Akvadetrim Vitamin D3 tomchilari 10ml 15000ME/ml

faol modda: 15 000 XB kolekalьtsiferol 

yordamchi moddalar: makrogol glitserilritsinoleat, saxaroza, dinatriy fosfat dodekagidrat, limon kislotasi monogidrati, arpabodiyon xushbo‘yi, benzil spirti, tozalangan suv. 

D3 vitamini antiraxit omil hisoblanib, qalqonsimon oldi bezlarning normal faoliyat yuritishi uchun muhimdir. D vitamini ta'sir ko‘rsatuvchi eng muhim a'zolar va tizimlar bo‘lib ichak, buyraklar va suyak-mushak tizimi hisoblanadi. Ichakda D vitamini Ca2+ ioni va fosfatlar so‘rilishini faollashtiradi, buyraklarda ionlarning qayta so‘rilishiga yordam beradi, suyak to‘qimasida mobilizatsiya qiladi va mineral tuzlarning yig‘ilishiga yordam beradi. Kalьtsiy ionlarining miqdori muvofiq mushak tonusi, nerv impulьslarining uzatilishi va qonning quyilishini ta'minlovchi muhim biokimyoviy jarayonlarga ta'sir ko‘rsatadi.

Ovqatda D vitaminining tanqisligi, uning so‘rilishining buzilishi, kalьtsiy ionlarininng yetishmovchiligi, jigar kasalliklari, ayrim dori preparatlarini qabul qilish, shuningdek quyosh nurlari ta'sirining bo‘lmasligi bolalar organizmning jadal o‘sish davrida raxit, kattalarda esa osteomalyatsiya rivojlanishiga olib keladi.

Raxit profilaktikasi uchun D vitaminini qabul qilish ko‘pchilik go‘daklar va kichik yoshdagi bolalar uchun zarurdir. Osteoporoz tez-tez kuzatiladigan postmenopauzadagi ayollar, gormonal o‘zgarishlar tufayli, D vitaminining sutkalik dozasini oshirishlari kerak. 

D3 vitamini ishqoriy fosfatazani faollashtiradi. Raxitni davolash davrida ishqoriy fosfataza faolligining pasayishi D vitaminini to‘g‘ri qo‘llanayotganligining ko‘rsatkichi bo‘lishi mumkin. D vitaminiga shaxsiy ehtiyojni ta'minlashda, organizmga vitamin tushishining barcha manbalarini inobatga olish kerak.

Gipervitaminoz D simptomlari:

Qon va limfatik tizim tomonidan buzilishlar:

- Qonda kalьtsiy kontsentratsiyasining oshishi 

Moddalar almashinuvi va ovqatlanishning buzilishlari:

- giperxolesterinemiya, tana vaznining yo‘qotilishi, kuchli chanqoq, ko‘p terlash.

Ruhiyatning buzilishi:

- libidoning pasayishi, depressiya, psixotik buzilishlar

Nerv tizimi tomonidan buzilishlar:

- bosh og‘rig‘i, letargik uyqu

Ko‘rish a'zosi tomonidan buzilishlar:

- kon'yunktivit, yorug‘likdan qo‘rqish

Yurak tomonidan buzilishlar:

- yurak ritmining buzilishi

Qon-tomirlar tomonidan buzilishlar:

- arterial gipertenziya

Me'da-ichak yo‘llari tomonidan buzilishlar:

- og‘iz qurishi, ishtaha yo‘qolishi, ko‘ngil aynishi, qusish, qabziyat, pankreatit

Jigar va o‘t chiqarish yo‘llari tomonidan buzilishlar:

- transaminazalar faolligining ortishi

Skelet-mushak va birlashtiruvchi to‘qimalar tomonidan buzilishlar:

- mushak va bo‘g‘imlarda og‘riq, mushaklar kuchsizlanishi 

Buyraklar va siydik chiqarish yo‘llari tomonidan buzilishlar: 

- uremiya, poliuriya, buyrak-tosh kasalligi, siydikda kalьtsiy kontsentratsiyasining oshishi

Umumiy va kiritish joyidagi buzilishlar: 

- teri qichishishi, burundan suvli ajralma ajralishi, gipertermiya, to‘qimalar kalьtsinozi. 

Nojo‘ya reaktsiyalar holatlari haqida xabarlar 

Dori preparati muomalaga chiqarilgan so‘ng gumon qilinayotgan nojo‘ya ta'sirlar holatlari haqida xabar berish kerak. Bu dori preparatining foyda/xavf nisbatini monitoring qilish imkonini beradi. Tibbiyot xodimlari gumon qilinayotgan barcha nojo‘ya reaktsiya holatlari haqida xabar berishlari shart. 

• Patsiyent immobilizatsiyasida;

• Patsiyent tomonidan tiazid diuretiklar qabul qilinganda;

• Patsiyentda yurak xastaliklari mavjud bo‘lganda;

• Patsiyent tomonidan angishvonagul glikozidlari qabul qilingan holatda;

• Agar patsiyent ayol homilador yoki emizayotgan bo‘lsa;

• Agar patsiyent bir vaqtda kalьtsiyning yuqori dozalarini qabul qilayotgan bo‘lsa; bolalarga D vitaminining sutkalik ehtiyoji va yuborish usuli shaxsiy tarzda tanlanadi va, ayniqsa, hayotining ilk oylarida davriy tekshiruvlarda tekshirib turiladi;

• Tug‘ma kichik o‘lchamdagi old liqildoqli go‘daklarda.

D vitamini 1000 XB dan yuqori bo‘lgan sutkalik dozada uzoq vaqt qabul qilinganda, qon zardobi va siydikda kalьtsiy miqdorini nazorat qilib turish kerak. 

D3 vitaminining uzoq vaqt davomida qo‘llanilgan juda yuqori dozalari yoki zarba dozalari surunkali gipervitaminoz sababi bo‘lishi mumkin.

Preparatni qabul qilishda, qon zardobi va siydikda kalьtsiy va fosfatlar kontsentratsiyasini davriy ravishda nazorat qilib turish tavsiya etiladi. 

Preparat benzil spirti (15 mg/ml) saqlaydi, bu 1 tomchida 0,5 mg ga to‘g‘ri keladi. Preparat allergik reaktsiyalar chaqirishi mumkin. 

Ushbu preparat fruktozani o‘zlashtirolmaslik, glyukoza-galaktoza malьabsorbtsiyasi sindromi yoki saxaraza-izomalьtaza yetishmovchiligi bilan bog‘liq bo‘lgan kam uchraydigan nasliy buzilishlari bo‘lgan patsiyentlarga buyurilishi mumkin emas. 

Homiladorlik va laktatsiya davri.

D3 vitamin homiladorlik davrida faqat shifokor ko‘rsatmasiga binoan qo‘llanishi mumkin. Homiladorlik davrida D3 vitaminini doza oshirib yuborilgan taqdirda teratogen ta'sirning paydo bo‘lish ehtimoli tufayli yuqori dozalar qo‘llash mumkin emas (homiladorlik davrida D vitamini dozasini oshirib yuborish bolani aqliy rivojlanishining buzilishi va yurak tug‘ma nuqsonlarining ehtimoliy sababi hisoblanadi). 

D3 vitamin laktatsiya davrida faqat shifokor ko‘rsatmasiga ko‘ra qo‘llanishi mumkin. Preparatni emizayotgan ayollarda qo‘llashda, bolada dozani oshirib yuborish simptomlari paydo bo‘lish xavfi tufayli, ehtiyotkorlikka rioya qilish kerak.

Transport vositalarini haydash va mexanik qurilmalarga xizmat ko‘rsatish qobiliyatiga ta'siri. 

Ta'sir qilmaydi.

• Muddatidan oldin tug‘ilgan bolalarda raxit profilaktikasi.

• Bolalar va kattalarda D3 vitamini tanqisligi xavfi tasdiqlangan holatda kasallik profilaktikasi.

• Bolalar va kattalarda D3 vitamini so‘rilishining buzilishida, D3 vitamini tanqisligi profilaktikasi 

• Bolalar va kattalarda raxit va osteomalyatsiyani davolash 

• Kattalarda osteoporozda yordamchi davolash 

• Kattalarda gipoparatireozni davolashda qo‘llanadi.

- Giperkalьtsiyemiya va (yoki) giperkalьtsinuriya

- Buyrak-tosh kasalligi va (yoki) buyrak kalьtsinozi 

- Og‘ir buyrak yetishmovchiligi 

- Gipervitaminoz D

- Sarkoidozda qo‘llash mumkin emas

• Tiazid diuretiklar bilan bir vaqtda qo‘llash giperkalьtsiyemiya rivojlanish xavfini oshiradi. 

• Yurak glikozidlari bilan bir vaqtda qo‘llash, ularning toksik ta'sirini kuchaytirishi mumkin (yurak ritmi buzilishlarining namoyon bo‘lishi xavfi oshadi).

• Magniy va alyuminiy saqlovchi antatsid vositalar bilan bir vaqtda qo‘llash buyrak yetishmovchiligi bo‘lgan patsiyentlarda suyak tizimiga alyuminiyning toksik ta'sirini va gipermagniyemiyani chaqirishi mumkin. 

• D vitamini analoglari bilan bir vaqtda qo‘llash toksik ta'sirning kuchayishiga olib kelishi mumkin.

• Kalьtsiy va fosfatlarning yuqori dozalarini saqlovchi preparatlar giperfosfatemiya rivojlanish xavfini oshiradi.

• Ketokonazol 1,25(ON)2-kolekalьtsiferolning ham biosintezini, ham katabolizmini susaytirishi mumkin. 

Yorug‘likdan himoya qilish maqsadida, asl o‘ramida saqlansin.

Bolalar ololmaydigan joyda saqlansin. 

Preparat dozasini individual tarzda, patsiyentning umumiy holati, shuningdek bir vaqtda qabul qilinayotgan kalьtsiy miqdorini inobatga olgan holda belgilash kerak (ham kundalik ovqatlanish ratsionida va ham dori vositalari ko‘rinishida).

D vitamini tanqisligi profilaktikasi :

Bolalarga hayotining ilk kunlaridan va kattalarga – sutkada 500 XB (1 tomchi).

D vitamini tanqisligini davolash :

Preparat dozasini vitamin tanqisligi holatidan kelib chiqqan holda shifokor shaxsiy tarzda belgilaydi. 

D vitaminiga bog‘liq raxit:

Bolalarga – sutkada 3000 XB dan 10000 XB gacha (6-20 tomchi).

Tirishishga qarshi preparatlarni qo‘llash bilan bog‘liq osteomalyatsiya:

Bolalarga – sutkada 1000 XB (2 tomchi), kattalarga – sutkada 1000 dan 4000 XB gacha (2 tadan 8 tomchigacha).

Qo‘llash usuli 

Preparatni suyuqlik bilan birga qoshiqqa solish kerak. 

Eslatma: Bir tomchida taxminan 500 XB D3 vitamini saqlanadi.

Preparat dozasini aniq o‘lchab olish uchun tomchilarni sanash vaqtida flakonni 45° burchak ostida ushlash kerak.