MR LEVAMAKS

QO‘LLASH BO‘YICHA YO‘RIQNOMA

MR LEVAMAKS

MR LEVAMAKS

Preparatning savdo nomi: MR Levamaks

Ta‘sir etuvchi modda (XPN): Levofloksasin laktati

Dori shakli: Infuziya uchun eritma

Tarkibi:

100 ml eritma quyidagilarni saqlaydi:

Faol modda: Levofloksasin laktati (levofloksasinga qayta hisoblanganda) – 500 mg.

Yordamchi moddalar: natriy xloridi – 900 mg, in‘eksiya uchun suv – 100 ml gacha.

Ta‘rifi: Tiniq, sarg‘ish-yashil rangli suyuqlik.

Farmakoterapevtik guruhi: Antibakterial sintetik vosita (ftorxinolonlar guruhi).

ATX kodi: J01MA12

Farmakologik xususiyatlari

Ftorxinolonlar guruhiga mansub mikroblarga qarshi preparat. Keng antibakterial (bakterisid) ta‘sir doirasiga ega.

Preparat mikroorganizmlarning ko‘pchilik shtammlariga nisbatan faol:

– aerob grammusbat bakteriyalar: Sorynebacterium diphtheriae, Enterococcus faecalis, Listeria monocytogenes, Staphylococcus aureus, Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Viridans group streptococci; 

– aerob grammanfiy bakteriyalar: Acinetobacter spp. (shu jumladan Acinetobacter baumanii, Acinetobacter calcoaceticus, Acinetobacter anitratus), Acinobacilus actinomycetemcomitans, Bordetella pertussis, Citrobacter freundii, Citrobacter diversus, Eikenella corrodens, Enterobacter cloacae, Enterobacter aerogenes, Enterobacter agglomerans, Enterobacter sakazakii, Escherichia coli, Gardenella vaginalis, Haemophilus ducrey, Haemophilus influenzae, Haemophilus parainfluenzae, Klebsiella pneumoniae, Klebsiella oxytoca, Legionella pneumoniae, Moraxella catarrhalis, Morganella morganii, Neisseria gonorrhoeae, Neisseria meningitides, Pasteurella dogmatis, Pasterella multocida, Proteus mirabilis, Proteus vulgaris, Providencia stuartii, Providencia retgeri, Pseudomonas aeruginosa, Pseudomonas fluorescens, Salmonella spp., Serratia spp. (shu jumladan Serratia marcescens);

– anaerob grammusbat bakteriyalar: Clostridium perfringens, Peptostreptococcus, Propionibacterium spp.;

– anaerob grammanfiy bakteriyalar: Bacteroides fragillis, Bartonella spp. Bifidobacterium spp., Fusobacterium spp., Veillonella spp.;

– hujayra ichki parazitlar: Chlamydia pneumoniae, Chlamydia psittaci, Chlamydia trachomatis, Mycoplasma pneumoniae

Farmakokinetikasi

Yuborilgandan keyin preparat a‘zo va to‘qimalarga – o‘pka, bronxlarning shilliq qavati, balg‘am, siydik tizimi a‘zolari, suyak to‘qimalari, orqa miya suyuqligi, prostata bezi, polimorf-yadroli leykositlar, alveolyar makrofaglarga yaxshi o‘tadi.

Plazma oqsillari bilan bog‘lanishi – 30-40%.

Vena ichiga yuborilgandan keyin asosan o‘zgarmagan holda siydik bilan chiqariladi. Levofloksasinning o‘rtacha yakuniy T_1/2 vena ichiga bir marta va ko‘p marta yuborilgandan keyin 6 dan 8 soatgacha vaqtni tashkil qiladi.

Buyrak yetishmovchiligida preparatning klirensi kamayishi va buyrak orqali uni chiqarilishi kreatinin klirensini pasayish darajasiga bog‘liq bo‘ladi.

Qo‘llanilishi

Levofloksasinga sezgir mikroorganizmlarning shtammlari tomonidan chaqirilgan yengil, o‘rtacha va og‘ir infeksiyalarni davolash:

– Streptococcus pneumoniae, Haemophilus influenzae, Moraxella catarrhalis tomonidan chaqirilgan o‘tkir sinusit.

– Bakterial infeksiyalar (Staphylococcus aureus, Streptococcus pneumoniae, Haemophilus influenzae, Haemophilus parainfluenzae, Moraxella catarrhalis) bilan bog‘liq bo‘lgan surunkali bronxitni zo‘rayishi tomonidan chaqirilgan.

– Staphylococcus aureus, Streptococcus pneumoniae (shu jumladan penisillinga chidamli shtammlari, penisillinni MPK si ≥2 mkg/ml), Haemophilus influenzae, Haemophilus parainfluenzae, Klebsiella pneumoniae, Legionella pneumophila, Moraxella catarrhalis, Chlamydia pneumoniae yoki Mycoplasma pneumoniae tomonidan chaqirilgan kasalxonadan tashqari pnevmoniya tomonidan chaqirilgan.

– Staphylococcus aureus, Streptococcus pyogenes, Enterococcus faecalis, Proteus mirabolis ning metisillinga sezgir shtammlari tomonidan chaqirilgan teri va uning qo‘shimchalarini asoratlangan infeksiyalari tomonidan chaqirilgan;

– Streptococcus aereus yoki Streptococcus pyogenes tomonidan chaqirilgan teri va yumshoq to‘qimalarning asoratlanmagan infeksiyalari (engil va o‘rta og‘irlik darajasidagi), shu jumladan abssess, flegmona, furunkul, impetigo, piodermiya, jarohat infeksiyasi tomonidan chaqirilgan.

– Escherichia coli, Klebsiella pneumoniae, Strahilococcus saprophyticus tomonidan chaqirilgan siydik chiqarish yo‘llarining asoratlanmagan (engil va o‘rtacha og‘irlik darajadagi) infeksiyalari tomonidan chaqirilgan;

– Enterococcus faecalis, Enterobacter cloacae, Escherichia coli, Klebsiella pneeumoniae, Proteus mirabilis, Pseudomonas aeruginosa tomonidan chaqirilgan siydik chiqarish yo‘llarining va buyrakning asoratlangan (engil va o‘rta darajadagi) infeksiyalari tomonidan chaqirilgan;

– Escherichia coli tomonidan chaqirilgan o‘tkir pielonefrit (engil va o‘rtacha og‘irlik darajadagi) tomonidan chaqirilgan.

Qo‘llash usuli va dozalari

Preparat 250-750 mg dan vena ichiga tomchilab asta-sekin har 24 soatda (250-500 mg doza 60 minut davomida, 750 mg – 90 minut davomida) yuboriladi. Keyinchalik xuddi shu dozada peroral qabul qilishga o‘tish mumkin. Davolash davomiyligi qo‘llashga ko‘rsatmalar, shuningdek taxmin qilingan qo‘zg‘atuvchining sezgirligiga bog‘liq. Tavsiya qilingan dozalash tartibiga qat‘iy rioya qilish lozim. Tana harorati me‘yorlashganidan keyin 2-3 kun davomida preparatni qo‘llashni davom ettirish tavsiya qilinadi. Preparat bilan davolashni mustaqil uzish yoki muddatidan oldin to‘xtatishga yo‘l qo‘yilmaydi.

Pnevmoniyada vena ichga 500 mg dan sutkada 1-2 marta 7-14 kun davomida yuboriladi.

Siydik chiqarish yo‘llarining asoratlanmagan infeksiyalarida – vena ichiga 250 mg dan sutkada 1 marta 3 kun davomida. Siydik-chiqarish yo‘llarining va buyrakning og‘ir infeksiyalarida vena ichiga yuborish uchun doza va davolash muddati oshirilishi mumkin.

Teri va yumshoq to‘qimalarining infeksiyalarida vena ichiga 500 mg dan sutkada 2 marta 7-14 kun davomida qo‘llanadi.

Pnevmokokklar tomonidan chaqirilgan va gospital infeksiya Pseudomonas aeruginosa tomonidan chaqirilgan, og‘ir pnevmoniyada, preparatni qo‘llash yetarli darajada samarali bo‘lmasligi mumkin va majmuaviy davolash talab qilinishi mumkin.

Buyrak faoliyatini buzilishi bo‘lgan pasientlarda dozalash tartibiga tuzatish kiritish talab qilinadi. Kreatinin klirensining ko‘rsatkichiga qarab, preparatni quyidagi sxema bo‘yicha buyurish lozim:

– kreatinin klirensi minutiga 50-20 ml bo‘lganida birinchi sutkada odatdagi (kreatinin klirensi me‘yorida bo‘lgan pasientlar uchun tavsiya qilingan) doza yuboriladi, ikkinchi sutkadan boshlab – preparatning dozasi ikki martaga kamaytiriladi.

– kreatinin klirensi minutiga 19-10 ml bo‘lganida birinchi sutkada odatdagi (kreatinin klirensi me‘yorida bo‘lgan pasientlar uchun tavsiya qilingan) doza yuboriladi, ikkinchi sutkadan boshlab – preparatning dozasi to‘rt martaga kamaytiriladi.

– kreatinin klirensi minutiga 10 ml dan kam bo‘lganida (shu jumladan gemodializ va uzoq muddatli peritoneal dializda) birinchi sutkada odatdagi (kreatinin klirensi me‘yorida bo‘lgan pasientlar uchun tavsiya qilingan) doza yuboriladi. Sutkada 500 mg dan yuqori bo‘lmagan dozalarda ikkinchi sutkadan boshlab preparatning dozasi to‘rt martaga kamaytiriladi.

Sutkada 500 mg dan 1000 mg gacha bo‘lgan dozalar buyurilgan pasientlarga, ikkinchi sutkadan boshlab preparatning dozasi sakkiz martaga kamaytiriladi.

Nojo‘ya ta‘sirlari

Allergik reaksiyalar: ba‘zida – terini qichishishi va qizarishi; kam – anafilaktik yoki anafilaktoid reaksiyalar (eshakemi, yuzni shishi kabi belgilar bilan namoyon bo‘ladigan), juda kam – AB ni to‘satdan pasayishi va shok; ayrim hollarda – Stivens-Djonson sindromi, toksik epidermal nekroliz (Layell sindromi) va eksudativ ko‘p shaklli eritema.

Mahalliy reaksiyalar: vena ichiga yuborilganida – yuborish joyida og‘riq va yallig‘lanishi, belda va ko‘krakda og‘riq, ko‘p terlash.

Nerv tizimi tomonidan: ba‘zida – bosh og‘rig‘i, bosh aylanishi, toliqish, ta‘m sezishni buzilishi; kam hollarda – qo‘l-barmoqlarda paresteziyalar, qaltirash, bezovtalik, qo‘rquv hissi, tirishish xurujlari va ongni chalkashishi; juda kam hollarda – ko‘rishni va eshitishni buzilishi, ta‘m sezish va hid sezishni buzilishi, taktil sezuvchanlikni pasayishi, diqqatni jamlashni pasayishi, gallyusinasiyalar va depressiyalar kabi psixotik reaksiyalar, koordinasiyani buzilishi (shu jumladan yurishdagi).

Ovqat-hazm qilish tizimi tomonidan: tez-tez – ko‘ngil aynishi, diareya (juda kam hollarda qon bilan, bu ichakni yallig‘lanishi yoki soxtamembranoz kolit belgilari bo‘lishi mumkin), ba‘zida-ishtahani yo‘qolishi, qusish, qorin og‘riqlari, ovqatni hazm bo‘lishini buzilishi, kam hollarda – og‘izni qurishi, me‘da-ichak qon ketishlari; juda kam hollarda – jigar faoliyatini buzilishi (gepatit, xolelitiaz).

Qon-yaratish a‘zolari tomonidan: ba‘zida – eozinofiliya, leykopeniya; kam hollarda – neytropeniya, trombositopeniya (qon quyilishlariga yoki qon ketishiga moyillikda); juda kam hollarda – yaqqol agranulositoz (tana haroratini turg‘un yoki qaytalanuvchi oshishi; bodomsimon bezlarni yallig‘lanishi va holatni turg‘un yomonlashishi bilan birga kechuvchi); alohida hollarda – gemolitik anemiya, pansitopeniya.

Yurak-qon tomir tizimi tomonidan: kam – taxikardiya, gipotenziya va gipertenziya; juda kam hollarda – kardiogrammada QTintervalni uzayishi, qon tomir kollapsi, yurak qorinchalarini titrashi – lipillashi.

Suyak-mushak tizimi tomonidan: kam hollarda – paylarni shikastlanishi (shu jumladan tendinit), bo‘g‘im va mushak og‘riqlari; juda kam – axillov payini uzilishi (ikki tomonlama xarakterga ega va davolash boshlanganidan keyin 48 soat davomida namoyon bo‘ladi), mushak zaifligi (miasteniyali bemorlar uchun muhim ahamiyatga ega); alohida hollarda – rabdomioliz.

Siydik-tanosil tizimi tomonidan: ba‘zida – vaginit, juda kam – buyrak faoliyatini o‘tkir buyrak yetishmovchiligiga qadar yomonlashishi (masalan, allergik reaksiyalar oqibatidagi – interstisial nefrit).

Boshqalar: ba‘zida – asteniya; juda kam hollarda – gipoglikemiya, isitma, allergik pnevmonit, vaskulit.

Laboratoriya ko‘rsatkichlari: ba‘zida – ALT, AST faolligini oshishi, qon zardobida kreatinin darajasini oshishi; kam hollarda – LDG oshishi, glyukozaning miqdorini oshishi yoki kamayishi.

Qo‘llash mumkin bo‘lmagan holatlar

Levofloksasinga yoki boshqa xinolonlarga o‘ta yuqori sezuvchanlik; tutqanoq, anamnezdagi xinolonlarni qabul qilish bilan bog‘liq bo‘lgan paylarni shikastlanishi; homiladorlik, laktasiya davri, bolalar va 18 yoshgacha bo‘lgan o‘smirlarda qo‘llash mumkin emas.

Dorilarning o‘zaro ta‘siri

Fenbufen bilan va unga o‘xshash nosteroid yallig‘lanishga qarshi vositalar, teofillin bilan majmuaviy davolashda, preparat tirishishga tayyorlik bo‘sag‘asini kamaytirishi mumkin.

Sukralfat, temir tuzlari va alyuminiy saqlovchi antasid vositalari levofloksasinning samarasini kamaytiradi (preparatlarni qabul qilish orasidagi interval 2 soatdan kam bo‘lmasligi kerak).

Varfarin bilan bir vaqtda qo‘llanganida protrombin vaqti va qon ketishi xavfi (XNN, protrombin vaqti va koagulyasiyaning boshqa ko‘rsatkichlarini sinchkov monitoringi), shuningdek qon ketishini mumkin bo‘lgan belgilarini  monitoringi zarur) oshadi.

Simetidin va probensid ta‘siri ostida Levofloksasinni chiqarilishi biroz sekinlashadi. Levofloksasin qon plazmasidan siklosporinning T_1/2 biroz oshishini chaqiradi.

Glyukokortikoidlar paylarni uzilish xavfini oshiradi (ayniqsa keksalarda).

Alkogol markaziy nerv tizimi tomonidan nojo‘ya samaralarini (bosh aylanishi, karaxtlik, uyquchanlik) kuchaytirishi mumkin.

Diabeti bo‘lgan, peroral gipoglikemik vositalarni yoki insulinni olayotgan bemorlarda, levofloksasinning fonida gipo- yoki giperglikemik holatlar  bo‘lishi mumkin (glyukozaning qondagi darajasini sinchiklab monitoring qilish tavsiya qilinadi).

Maxsus ko‘rsatmalar

Preparatning infuzion eritmasi quyidagi eritmalar bilan mutanosib: fiziologik eritma, 5% dektroza eritmasi, 2,5% Ringerning dektroza bilan eritmasi, parenteral yuborish uchun majmuaviy eritmalar (aminokislotalar, karbonsuvlar, elektrolitlar). Preparatning infuzion eritmasini geparin va ishqoriy reaksiyali eritmalar bilan aralashtirish mumkin emas.

Avtomobilni va potensial xavfli mexanizmlarni boshqarish qobiliyatiga ta‘siri:davolash davrida bosh aylanishi, uyquchanlik, tanglik va ko‘rishni buzilishini paydo bo‘lishi mumkinligi tufayli, avtomobil va potensial xavfli mexanizmlarni boshqarishdan saqlanish kerak, chunki psixomotor reaksiyalarning tezligini sekinlashishi va diqqatni jamlashni pasayishga olib kelishi mumkin.

Ehtiyotkorlik choralari: ilgari bosh miyani shikastlanishi (insult yoki og‘ir jarohat) bo‘lgan bemorlarda tirishishlarni rivojlanishi mumkinligi tufayli, ehtiyotkorlik bilan qo‘llash kerak.

Peroral gipoglikemik vositalarini (insulin yoki glibenklamid) bir vaqtda qabul qilayotgan qandli diabeti bo‘lgan pasientlarda preparatni qo‘llashda, levofloksasin gipoglikemiyani chaqirishi mumkinligini hisobga olish lozim.

Teri qoplamalarini shikastlanishidan (fotosensibilizasiya) saqlanish uchun pasientlarga quyosh yoki su‘niy ultrabinafsha nurlanishga (masalan, uzoq vaqt to‘g‘ri quyosh nurida bo‘lishi yoki solyariyga borish) duchor bo‘lmaslik tavsiya qilinadi, fototoksik samaralari (teri toshmalari) paydo bo‘lganida preparat bilan davolashni to‘xtatish kerak.

Glyukoza-6-fosfatdegidrogenaza tanqisligi bo‘lgan pasientlarda eritrositlarning gemolizi rivojlanishi mumkin.

Og‘ir, turg‘un qon bilan yoki qonsiz diareya paydo bo‘lganida, darhol shifokorni xabardor qilish kerak. Diareya, antibiotikoterapiya chaqirgan enterokolit oqibatida bo‘lishi mumkin. Soxtamembranoz kolitga shubha tug‘ilganida preparatni darhol bekor qilish va muvofiq davolashni boshlash lozim. Bunday hollarda ichak motorikasini susaytiruvchi dori vositalarini qo‘llash mumkin emas.

Keksa yoshli pasientlarda preparatni qo‘llash tendinitni rivojlanishiga (eng avvalo axillov paylarini) va ularni uzilishiga olib kelishi mumkin. Tendinitga shubha tug‘ilganida preparatni bekor qilish va shikastlangan paylarni, ularning immobilizasiyasini ta‘minlab, davolashni boshlash lozim.

Davolash vaqtida alkogolni iste‘mol qilishdan saqlanish kerak.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: ongni chalkashishi, bosh aylanishi va tirishish xurujlari, ko‘ngil aynishi, shilliq qavatlarini eroziv shikastlanishi.

Davolash: simptomatik davolash (maxsus antidoti yo‘q), dializ orqali chiqarilmaydi.

Chiqarilish shakli

100 ml dan flakonlarda.

1 flakondan karton qutida.

Saqlash sharoiti

Quruq, yorug‘likdan himoyalangan joyda, 25^oS yuqori bo‘lmagan xaroratda saqlansin.

Yaroqlilik muddati

2 yil.

Dorixonalardan berish tartibi

Resept bo‘yicha.