SUPRILEKS

Қўллашнинг ўзига хослиги

Препаратни стенокардия, тахикардия, қизиб кетиш ҳисси, қон ивишини бузилишларида, глаукомада, миокард инфаркти ва инсультнинг ўткир даврларида эҳтиёткорлик билан буюриш керак.

Кекса ёшдаги пациентларни препарат билан даволаш вақтида ортостатик гипотензияни олдини олиш мақсадида, кроватдан эҳтиёткорлик билан туриш, тана ҳолатини кескин ўзгартиришдан сақланиш керак.

Чекувчи пациентларда препаратнинг самараси камайиши мумкин.

Суприлекс^® препарати билан даволаниш вақтида алкоголли ичимликларни истеъмол қилиш мумкин эмас.

QO‘LLASH BO‘YICHA YO‘RIQNOMA

SUPRELAX^®

Preparatning savdo nomi: Suprileks^®

Ta‘sir etuvchi modda (XPN): izoksuprin gidroxloridi

Dori shakli: tabletkalar

Tarkibi:

Har bir tabletka quyidagilarni saqlaydi:

faol modda: 10 mg izoksuprin gidroxloridi;

yordamchi moddalar: mikrokristallik sellyuloza, natriy kroskarmellozasi, magniy stearati, kolloidli kremniy dioksidi.

Ta‘rifi: dumaloq, yassi, oq rangli, bir tomoni riskali tabletkalar.

Farmakoterapevtik guruhi: periferik vazodilatatorlar.

ATX kodi: S04AA01.

Farmakologik xususiyatlari

Farmakodinamikasi

Izoksuprin – periferik vazodilatator, beta-adrenoreseptorlarning agonisti. Beta-adrenoreseptorlarga rag‘batlantiruvchi ta‘siri tufayli izoksuprin qon tomirlar silliq mushaklarining tonusini pasaytiradi, ularning spazmini bartaraf qiladi, periferik va bosh miyada qon aylanishini va muvofiq to‘qimalarni qon bilan ta‘minlanishini yaxshilaydi. Musbat inotrop va xronotrop samaraga, shuningdek tokolitik samaraga ega.

Izoksuprin, shuningdek yengil bronxolitik ta‘sir ham ko‘rsatadi. Yuqori dozalarda trombositlar agregasiyasini ingibisiya qiladi va qonning qovushqoqligini kamaytiradi.

Farmakokinetikasi

Izoksuprin me‘da-ichak yo‘llaridan tez so‘riladi. Jigarda qisman kon‘yugasiya yo‘li bilan metabolizmga uchraydi. Yarim chiqarilish davri taxminan 1,25 soatni tashkil qiladi. Asosan siydik bilan chiqariladi.

Qo‘llanilishi

Turli genezli periferik qon aylanishini buzilishlari: oyoq va qo‘l arteriyalarining spazmlari, obliterasiyalovchi endarteriit, oyoq va qo‘l arteriyalarining aterosklerozi, diabetik angiopatiya, Reyno kasalligi va sindromi. Aterosklerotik genezli surunkali serebral tomir yetishmovchiligi, to‘r parda arteriyalarining aterosklerozi. Muddatdan avvalgi tug‘ruq xavfida qo‘llanadi.

Qo‘llash usuli va dozalari

Qon aylanishini buzilishlari bilan kechuvchi kasalliklarda preparat 10-20 mg dan sutkada 3-4 marta ovqatdan keyin qo‘llanadi. Davolash kursi 2-3 oyni tashkil qiladi. Muddatidan avvalgi tug‘ruq xavfi holatida Suprileks^® tabletkasi avval o‘tkazilgan izoksuprinni vena ichi kursidan keyin buyuriladi; holat yaxshilanganida (to‘lg‘oq bartaraf qilinganida) izoksuprinning ichga qabul qilish uchun tavsiya qilingan dozasi 20 mg dan sutkada 4 martani tashkil qiladi. Davolash davomiyligi – 2 sutkani tashkil qiladi.

Nojo‘ya ta‘sirlari

Taxikardiya, yurakni kuchli urishi, arterial gipotenziya, to‘sh ortida og‘riq, bosh aylanishi, holsizlik, qizib ketish hissi, ko‘ngil aynishi, qusish, teri toshmalari, dispeptik buzilishlar.

Preparat muddatidan avvalgi tug‘ruqni davolash uchun qo‘llanganida ona va bolada taxikardiya, arterial gipotenziya, gipokalsemiya, gipoglikemiya kuzatilishi mumkin.

Qo‘llash mumkin bo‘lmagan holatlar

Izoksuprin yoki preparatning har qanday boshqa komponentiga o‘ta yuqori sezuvchanlik, anamnezdagi serebral gemorragiyalar va bachadondan qon ketishlar, stenokardiya, arterial gipotenziya, emizish davrida qo‘llash mumkin emas.

Dorilarning o‘zaro ta‘siri

Izoksuprining boshqa dori vositalari bilan salbiy o‘zaro ta‘siri bo‘yicha ma‘lumotlar yo‘q. Kardiologiyada qo‘llanadigan vazodilatatorlar bilan bir vaqtda qabul qilinganida tomirlarni kengaytiruvchi ta‘siri kuchayishi mumkin.

Maxsus ko‘rsatmalar

Shifokor tomonidan belgilangan doza va davolash kursining davomiyligini oshirish mumkin emas. Preparat bilan davolash davomida har qanday odatdagi bo‘lmagan reaksiyalar paydo bo‘lgan holda albatta shifokorga murojaat qilish kerak.

Qo‘llashning o‘ziga xosligi

Preparatni stenokardiya, taxikardiya, qizib ketish hissi, qon ivishini buzilishlarida, glaukomada, miokard infarkti va insultning o‘tkir davrlarida ehtiyotkorlik bilan buyurish kerak.

Keksa yoshdagi pasientlarni preparat bilan davolash vaqtida ortostatik gipotenziyani oldini olish maqsadida, krovatdan ehtiyotkorlik bilan turish, tana holatini keskin o‘zgartirishdan saqlanish kerak.

Chekuvchi pasientlarda preparatning samarasi kamayishi mumkin.

Suprileks^® preparati bilan davolanish vaqtida alkogolli ichimliklarni iste‘mol qilish mumkin emas.

Homiladorlik va emizish davrida qo‘llanishi

Suprileks^® homilador ayollarda muddatidan avvalgi tug‘ruq xavfida qo‘llanadi. Izoksuprinni emizish davrida qo‘llashning xavfsizligi haqida ma‘lumotlar yo‘q, shunga qaramasdan, spesifik tadqiqotlar o‘tkazilmagan boshqa preparatlar holidagi kabi emizish davrida preparatni qo‘llashdan saqlanish kerak.

Bolalar. Preparatni bolalarda qo‘llash bo‘yicha ma‘lumotlar yo‘q.

Avtotransportni boshqarish yoki boshqa mexanizmlar bilan ishlashda reaksiya tezligiga ta‘sir qilish qobiliyati

Preparat uyquchanlik va bosh aylanishining sababi bo‘lib xizmat qilishi mumkin. Bunday holda transport vositasini boshqarish va murakkab mexanizmlar bilan ishlashdan saqlanish kerak.

Preparat yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: taxikardiya, yurakni kuchli urishi, to‘sh ortidagi og‘riq, arterial bosimni pasayishi, bosh aylanishi, holsizlik, hushdan ketish, ko‘ngil aynishi, qusish.

Davolash: simptomatik.

Chiqarilish shakli

10 tabletkadan blisterda; 1 yoki 3 blisterdan qo‘llash bo‘yicha yo‘riqnomasi bilan birga karton o‘ramda.

Saqlash sharoiti

Quruq, yorug‘likdan himoyalangan joyda, 25^oS dan yuqori bo‘lmagan haroratda saqlansin. Bolalar ololmaydigan joyda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.

Препарат муддатидан аввалги туғруқни даволаш учун қўлланганида она ва болада тахикардия, артериал гипотензия, гипокальцемия, гипогликемия кузатилиши мумкин.

фаол модда: 10 мг изоксуприн гидрохлориди;

ёрдамчи моддалар: микрокристаллик целлюлоза, натрий кроскармеллозаси, магний стеарати, коллоидли кремний диоксиди.

Изоксуприн, шунингдек енгил бронхолитик таъсир ҳам кўрсатади. Юқори дозаларда тромбоцитлар агрегациясини ингибиция қилади ва қоннинг қовушқоқлигини камайтиради.