GLISERIN 0,88 rektal suppozitorialar N10

GLISERIN

dori preparatini tibbiyotda qo‘llash bo‘yicha

YO‘RIQNOMA

Preparatning savdo nomi Gliserin

Xalqaro patentlanmagan nomi Gliserol

Dori shakli: rektal suppozitoriylar

Tarkibi

1 suppozitoriy quyidagilarni saqlaydi:

faol modda: gliserol (gliserin) – 1,24 g yoki 2,11 g;

yordamchi moddalar: makrogol 400, stearin kislotasi 95, natriy karbonat dekagidrati (natriy karbonat 10-suvli).

Ta‘rifi

Tiniq yoki yarimtiniq, deyarli rangsiz yoki sarg‘ish-jigarrang tusli rangli, surkaluvchi yuzali, gigroskopik, torpedasimon shaklli suppozitoriylar. Oz miqdorda havo pufakchalari bo‘lgan varonkasimon chuqurcha bo‘lishiga yo‘l qo‘yiladi.

Farmakoterapevtik guruhi

Surgi vositasi.

ATX kodi: A06AG04.

Farmakologik xususiyatlari

Farmakodinamika

Surgi vositasi bo‘lib, qotgan ahlat massalarini yumshatadi, ularni yo‘g‘on ichak bo‘ylab o‘tishini yengillashtiradi, ichak shilliq qavatiga qitiqlovchi ta‘sir ko‘rsatib, ichak motorikasini reflektor rag‘batlatlantiradi.

Farmakokinetika

Rektal qo‘llanganda deyarli so‘rilmaydi.

Qo‘llanilishi

Turli etiologiyali qabziyat, shu jumladan homiladorlik va emizish davrida simptomatik davolash uchun qo‘llanadi.

Defekasiya vaqtida kuchanish mumkin emas bo‘lgan pasientlarda qo‘llanadi.

Qo‘llash mumkin bo‘lmagan holatlar

Preparatning komponentlariga yuqori sezuvchanlik, ichak tutilishi, zo‘riqish bosqichidagi gemorroy, to‘g‘ri ichakning yallig‘lanish kasalliklari va o‘smalar, tashhis qo‘yilmagan og‘riq kuzatiladi.

Ehtiyotkorlik bilan

Buyrak yetishmovchiligida ehtiyotkorlik bilan qo‘llash kerak.

Qo‘llash usuli va dozalari

Rektal qo‘llanadi. Ovqat qabul qilinganidan keyin 15-20 minut o‘tgach.

Suppozitoriylar 2,11 g: kattalar va 7 yoshdan oshgan bolalarga – 1 suppozitoriy sutkada 1 marta.

Suppozitoriylar 1,24 g: hayotining birinchi kunlaridan boshlab qo‘llashga ruxsat beriladi. 3 yoshdan 7 yoshgacha bo‘lgan bolalarga – 1 suppozitoriy sutkada 1 marta. Zarurati bo‘lganida doza sutkada 2 suppozitoriygacha oshiriladi.

Nojo‘ya ta‘sirlari

Allergik reaksiyalar, mahalliy reaksiyalar (terini qichishishi va achishishi). Uzoq muddat qo‘llanganida – ich kelishi fiziologik jarayonini susayishi.

Dozani oshirib yuborilishi

Dozani oshirib yuborish holatlari noma‘lum. Preparat qo‘llash bo‘yicha yo‘riqnoma muvofiq qo‘llansa dozani oshirib yuborilishi ehtimoldan uzoq.

Boshqa dori vositalari bilan o‘zaro ta‘siri

Gliserin bilan suppozitoriylar rektal qo‘llanadigan dori vositalarning ta‘sirini kamaytirishi mumkin. Boshqa rektal preparatlar qo‘llash zarurati bo‘lsa, ular qo‘llash orasida  1 soatdan kam bo‘lmagan interval saqlash lozim.

Maxsus ko‘rsatmalar

Muntazam qabul qilish tavsiya etilmaydi. Ichakni normal peristaltikasi tiklanganidan keyin davolash to‘xtatiladi. Suppozitoriylarga suyuq yoki quyuq mineral moylarni surkash mumkin emas.

Qo‘llanganda ichakdan suppozitoriylarni qoldiqlari ahlat bilan chiqariladi.

Transport vositalarni, mexanizmlarni boshqarish qobiliyatiga ta‘siri.

Preparatni qo‘llash transport vositalarni, mexanizmlarni boshqarish qobiliyatiga ta‘sir qilmaydi.

Preparat bolalar ololmaydigan joyda saqlansin va yaroqlilik muddati tugaganidan so‘ng preparat ishlatilmasin.

Chiqarilish shakli

Rektal suppozitoriylar 1,24 g yoki 2,11 g. 5 suppozitoriy kontur uyali o‘ramda joylanadi. Ikki kontur uyali o‘ram dori preparatini tibbiyotda qo‘llash bo‘yicha yo‘riqnomasi bilan birga karton qutiga joylanadi.

Saqlash sharoiti

25^ºS dan yuqori bo‘lmagan haroratda.

Bolalar ololmaydigan joyda saqlansin.

Yaroqlilik muddati

2 yil. Yaroqlilik muddati tugaganidan so‘ng preparat ishlatilmasin.

Dorixonalardan berish tartibi

Reseptsiz beriladi.