RIMONAL ko'z tomchilari 5ml 0,2% N1

QO‘LLASH BO‘YICHA YO‘RIQNOMA

RIMONAL

RIMONAL

Preparatning savdo nomi: Rimonal

Ta‘sir etuvchi modda (XPN): brimonidin

Dori shakli: ko‘z tomchilari 0,2%.

Tarkibi

1 ml preparat quyidagilarni saqlaydi:

faol modda: 2 mg brimonidin tartrati.

yordamchi moddalar: benzalkoniy xloridi, borat kislotasi, kalsiy xlorid digidrati, magniy xlorid geksagidrati, kaliy xloridi, natriy borat dekagidrati, gipromelloza, natriy xloridi, natriy gidroksidi va/yoki xlorid kislotasi, in‘eksiya uchun suv.

Ta‘rifi: tiniq sariq rangli eritma.

Farmakoterapevtik guruhi: Glaukomaga qarshi vosita – selektiv α₂-adrenomimetik.

ATX kodi: S01EA05

Farmakologik hususiyatlari

Rimonal – selektiv α₂– adrenomimetik. Ko‘z ichki bosimi (KIB) ni maksimal darajada pasayishiga 2 soatdan keyin erishiladi. Brimonidinning gipotenziv ta‘siri ko‘z ichki suyuqligini hosil bo‘lishini pasayishi va uveoskleral yo‘l orqali oqib chiqishini oshishi hisobiga ta‘minlanadi.

Farmakokinetikasi

Qon plazmasida maksimal konsentrasiyasiga 0,5-2,5 soat davomida erishiladi. Yarim chiqarilish davri taxminan 2 soatni tashkil etadi. Uzoq muddat qo‘llanganida qon plazmasida preparatni kumulyasiyasi kuzatiladi. Mahalliy yuborilganida plazma oqsillari taxminan 29% brimonidinni bog‘laydi.

Metabolizmi jigarda amalga oshadi. Brimonidin va uning metabolitlari asosan buyraklar orqali chiqariladi. Preparatning taxminan 87% 120 soat davomida organizmdan chiqariladi, bunda uning 74% siydikda aniqlanadi.

Qo‘llanilishi

• ochiq burchakli glaukoma;
• oftalmogipertenziyada (monoterapiyada va KIB ni pasaytiradigan boshqa preparatlar bilan majmuada) qo‘llanadi.

Qo‘llash usuli va dozalari

Faqat mahalliy qo‘llash uchun mo‘ljalangan.

Shikastlangan ko‘zning kon‘yunktivasiga 1 tomchidan sutkada 2 marta yuborishlar o‘rtasida taxminan 12 soatlik interval bilan tomiziladi.

Nojo‘ya ta‘sirlari

Nojo‘ya samaralarni rivojlanish tezligini quyida keltirilgan ko‘rsatkichlari quyidagicha aniqlangan: juda tez-tez (≥ 1/10), tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kam hollarda (≥ 1/10000 dan < 1/1000 gacha), rivojlanish tezligi noma‘lum – rivojlanish tezligini ko‘rsatkichlari mavjud bo‘lgan ma‘lumotlar asosida baholanib bo‘lmaydi.

Ko‘rish a‘zolari tomonidan: juda tez-tez – allergik kon‘yunktivit, ko‘z kon‘yunktivasini giperemiyasi, ko‘zning shilliq qavati va qovoqning terisini qichishishi, tez-tez – achishish hissi, ko‘z kon‘yunktivasini follikulyozi va follikulyar kon‘yunktivit, ko‘z shilliq qavatini mahalliy allergik reaksiyalari (shu jumladan, keratokon‘yunktivit), blefarit, blefarokon‘yunktivit, ko‘rish aniqligini buzilishi, katarakta, kon‘yunktivani shishi, kon‘yunktivaga qon quyilishi, kon‘yunktivit, ko‘z yoshini retension oqishi, ko‘zlardan shilliq ajralishi, ko‘z shilliq qavatini qurishi va ta‘sirlanishi, og‘riq, qovoqlarni shishi, qovoqlarni qizarishi, ko‘zlarda yod jismni his etish, keratit, qovoqlarni shikastlanishi, yorug‘likka sezuvchanlik, yuzaki dog‘li keratopatiya, ko‘z yoshini oqishi, ko‘rish maydonini kichrayishi, shishasimon tanani funksional shikastlanishi, shishasimon tanaga qon quyilishi, shishasimon tanada suzib yuruvchi xiralashishi va ko‘rish o‘tkirligini pasayishi; tez-tez emas – shox pardani eroziyasi, govmichak; rivojlanish tezligi noma‘lum – irit, keratokon‘yunktivit, mioz.

Markaziy nerv tizimi (MNT) tomonidan: tez-tez – bosh og‘rig‘i, uyquchanlik, uyqusizlik, bosh aylanishi; rivojlanish tezligi noma‘lum – depressiya.

Yurak-qon tomir tizimi tomonidan: tez-tez – arterial bosim (AB) ni oshishi; tez-tez emas – ABni pasayishi; rivojlanish tezligi noma‘lum – bradikardiya, taxikardiya.

Nafas a‘zolari tomonidan: tez-tez – bronxit, yo‘tal, hansirash; tez-tez emas – burunning shilliq qavatini qurishi, apnoe.

Me‘da-ichak yo‘llari tomonidan: tez-tez – me‘da-ichak buzilishlari, dispepsiya, og‘iz bo‘shlig‘i shilliq qavatini qurishi; rivojlanish tezligi noma‘lum – ko‘ngil aynishi.

Teri va teri osti yog‘ kletchatkasi tomonidan: tez-tez – toshma, infeksion kasallik (et uvishishi va respirator infeksiya), rinit, sinusit, shu jumladan infeksion sinusit; rivojlanish tezligi noma‘lum – mahalliy teri reaksiyalari (eritema, qichishish, yuzni shishi, toshma va qovoqning terisida qon tomirlarni kengayishi).

Laborator ko‘rsatkichlar: tez-tez – giperxolesterinemiya.

Boshqalar: tez-tez – umumiy allergik reaksiyalar, asteniya, toliqish; tez-tez emas – ta‘m bilish hissini o‘zgarishi.

Bolalarda: tez-tez – uyquchanlik, faollikni pasayishi; rivojlanish tezligi noma‘lum – apnoe, bradikardiya, AB ni pasayishi, gipotermiya, mushaklar gipotoniyasi kuzatilgan.

Qo‘llash mumkin bo‘lmagan holatlar

• brimonidinga va preparatning boshqa komponentlariga o‘ta yuqori sezuvchanlik;
• monoaminooksidaza (MAO) ingibitorlari va trisiklik antidepressantlar bilan bir vaqtda davolash;
• laktasiya davri;
• 2 yoshgacha bo‘lgan bolalarga qo‘llash mumkin emas.

Dorilarning o‘zaro ta‘siri

Brimonidin antigipertenziv preparatlar va/yoki yurak glikozidlarining ta‘sirini kuchaytirib, AB ni pasaytirishi mumkin.

Brimonidin va MNTning faoliyatini susaytiradigan vositalar (alkogol, barbituratlar, opiatlar, sedativ vositalar, anestetiklar) o‘rtasida o‘ziga xos o‘zaro ta‘sir aniqlanmagan bo‘lsa-da, birga qo‘llanganida oxirgisining samarasi kuchayishi mumkin.

Ma‘lumki, trisiklik antidepressantlar klonidinning antigipertenziv samarasini kamaytirishi mumkin. Ushbu preparatlar guruhi va brimonidinni birga qo‘llash yuzasidan yetarli ma‘lumotlar yo‘qligiga qaramasdan, oxirgisini KIB ga ko‘rsatadigan gipotenziv ta‘siri pasayishi mumkin. MAO ingibitorlari nazariy jihatdan brimonidinning metabolizmiga ta‘sir qilishi mumkin, bu AB ni pasayishi kabi tizimli nojo‘ya samarasini kuchayishiga olib kelishi mumkin. Brimonidin qo‘llanganidan so‘ng qonda katexolaminlarning darajasini o‘zgarishi yuzasidan ma‘lumotlar bo‘lmasa-da, trisiklik antidepressantlar, MAO ingibitorlari, shuningdek aylanib yuruvchi aminlarni metabolizmi va qonga so‘rilishini buzadigan xlorpromazin, metilfenidat, rezerpin qabul qilayotgan pasientlarga uni ehtiyotkorlik bilan qo‘llash kerak.

α-adrenoreseptorlarning faoliyatiga ta‘sir qilishi mumkin bo‘lgan preparatlar (masalan, adrenergik reseptorlarning agonistlari va antagonistlari) ning farmasevtik shaklidan qat‘iy nazar bir vaqtda qabul qilish uchun dozani buyurish yoki o‘zgartirish ehtiyotkorona yondashuvni talab etadi.

Maxsus ko‘rsatmalar

Brimonidinni ABga minimal ta‘sir qilishiga qaramasdan, yurak qon-tomir tizimini nostabil yoki dekompensasiyalangan kasalliklari bo‘lgan pasientlarni nazorat qilishni kuchaytirish talab etiladi.

Preparat qon aylanishini yetishmovchiligi bilan bog‘liq bo‘lgan sindromlarni kuchaytirishi mumkin. Depressiyada, Reyno fenomenida, ortostatik gipotenziya, obliterasiyalanuvchi trombangiitda uni ehtiyotkorlik bilan qo‘llash kerak.

Buyrak va jigar yetishmovchiligi bo‘lgan pasientlarga preparatni ehtiyotkorlik bilan qo‘llash kerak.

Kontakt linzalarni taqadigan pasientlar preparatni tomizishdan oldin ularni olib turishlari kerak. Preparatni qo‘llash va kontakt linzani qaytadan taqish o‘rtasidagi vaqt oralig‘i kamida 15 minutni tashkil etishi kerak.

Homiladorlik va laktasiya davrida qo‘llanishi

Klinika oldi tadqiqotlarda homilaga teratogen ta‘siri aniqlanmagan. Biroq, brimonidinni yo‘ldosh to‘sig‘i orqali o‘tishi va homilaning qon plazmasida ahamiyatsiz darajada bo‘lishi aniqlangan. Homilador ayollarda o‘tkazilgan nazoratli tadqiqotlarda o‘tkazilmagan. Homiladorlik davrida brimonidinni ona uchun davolashdan kutilgan foyda homila uchun kuzatilishi mumkin bo‘lgan havfdan ustun bo‘lgan hollardagina qo‘llash kerak.

Hayvonlarda o‘tkazilgan tadqiqotlarda, brimonidan ko‘krak sutiga o‘tishi aniqlangan. Preparatni qo‘llash vaqtida emizishni to‘xtatish kerak.

Pediatriyada qo‘llanishi

Rimonal preparatini 2 yoshgacha bo‘lgan bolalarga qo‘llash mumkin emas, chunki bolalarda qo‘llash havfsizligi o‘rganilmagan. Preparatni 12 yoshgacha bo‘lgan bolalarga qo‘llash tavsiya etilmaydi.

Avtotransportni haydash va mexanizmlarni boshqarish qobiliyatiga ta‘siri

Brimonidin toliqish va/yoki uyquchanlik, ko‘rishni xiralashishi va ayniqsa yetarli darajada yoritilmaganida ko‘rishni buzilishini chaqirishi mumkin, shuning uchun davolanish vaqtida transport vositalarini boshqarish va havfli faoliyat turlarini bajarishdan saqlanish kerak.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Simptomlari: preparat bexosdan ichga qabul qilinganida ABni pasayishi, bridikardiya, MNT funksyasini susayishi, uyquchanlik, ongni susayishi va xushni yo‘qolishi, tana haroratini pasayishi, teri qoplamlarini sianozi, apnoe bo‘lishi mumkin.

Davolash: simptomatik davolash, nafas yo‘llarini o‘tkazuvchanligini ta‘minlash kerak. Brimonidinni gemodializ yo‘li bilan chiqarilishi yuzasidan ma‘lumotlar yo‘q.

Chiqarilish shakli

Ko‘z tomchilari 5 ml dan polietilen flakonda, polietilen qopqoq va tiqin-tomchilagich bilan berkitilgan.

1 flakon qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

25^oS dan yuqori bo‘lmagan haroratda saqlansin.

Flakon ochilganidan so‘ng preparat 28 kun davomida ishlatilsin.

Yaroqlilik muddati

3 yil.

Dorixonalardan berish tartibi

Resept bo‘yicha beriladi.