Mahsulotning ko'rinishi saytdagi rasmdan farq qilishi mumkin.

VEROSHPIRON tabletkalari 25mg N20

Name: VEROSHPIRON tabletkalari 25mg N20
Brand: Гедеон Рихтер, АО
SKU: 31110
Price: 23000 UZS
Availability: InStock
Rating: 5 (1 reviews)

Kategoriya:

- Yurak-qon tomir

Ishlab chiqarilish joyi:

- Rossiya

Faol modda:

Спиронолактон

ko'proq ko'rsatish

Qadoqda soni:

- 20

Ishlab chiqaruvchi:

- Гедеон Рихтер, АО

Vakil:

- Gedeon Richter

ATX kodi:

- C03DA01

Barcha Veroshpiron dorilari

Noaniqliq haqida habar berish

O'zbekiston Respublikasi dorilar reestri ro'yxatidan o'tgan

Toshkentning 253 ta dorixonasida topildi

ico 23 000 s`om dan

Dorixonalardan izlash

ico 32 900 s`om dan + yetkazish

Buyurtma berish

ico 29 000 s`om dan

Bron qilish

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

50 мг ли капсулалар
фаол модда: спиронолактон50 мг;
ёрдамчи моддалар: натрий лаурилсульфати, магний стеарати, маккажўхори крахмали, лактоза моногидрати
Капсула қобиғи
Капсуланинг юқори қисми: хинолин сариғи (Е 104), титан диоксиди (Е 171), желатин
Капсуланинг пастки қисми: титан диоксиди (Е 171), желатин.
100 мг ли капсулалар
фаол модда: спиронолактон 100 мг;
ёрдамчи моддалар: натрий лаурилсульфати, магний стеарати, маккажўхори крахмали, лактоза моногидрати.
Капсула қобиғи
Капсуланинг юқори қисми: сариқ шафақ (Е 110), титан диоксиди (Е 171), желатин
Капсуланинг пастки қисми: сариқ шафақ (Е 110), титан диоксиди (Е 171), хинолин сариғи (Е 104), желатин

Farmakodinamikasi

Спиронолактон альдостероннинг конкурент антагонисти ҳисобланади. Спиронолактон нефроннинг дистал бўлимларида альдостерон томонидан Na+ ва сувнинг тутилишига тўсқинлик қилади ва альдостерон таъсири остидаги калий экскрециясини бостиради. У билан бирга Na+ ва Cl+ ни чиқарилишини ошириши ва К+ ни сийдик билан чиқарилишини камайтириши, Н+ ни чиқарилишини ҳам камайтиради. Ўзининг диуретик самараси туфайли гипотензив таъсир кўрсатади.

Farmakokinetikasi

Спиронолактон меъда-ичак йўлларида тез ва тўлиқ сўрилади. У плазма оқсиллари билан аҳамиятли даражада (тахминан 90 %) боғланади. Спиронолактон тез метаболизмга учрайди. Унинг фаол метаболитлари 7 альфа-тиометилспиронолактон ва канренондир. Спиронолактоннинг ярим чиқарилиш даври қисқа бўлишига қарамай (1,3 соат), унинг фаол метаболитларининг ярим чиқарилиш даври давомийроқ (2,8 дан 11,2 соатгача). Метаболитлари асосан сийдик билан чиқарилади, кам қисми аҳлат билан чиқарилади. Спиронолактон ва унинг метаболитлари йўлдош орқали ўтади ва она сути билан чиқарилади.

Nojo'ya samaralari

Ножўя таъсирлар спиронолактоннинг альдостеронга нисбатан рақобатли антагонизми (калийнинг экскрециясини кучайишига олиб келиши мумкин бўлган), ҳамда спиронолактоннинг антиандроген самараси билан белгилаб берилган.
Ножўя таъсирлар MedDRA регулятор фаолиятининг тиббий луғатига асосан MedDRA да аниқланган тез-тезлигача мувофиқ аъзолар тизими синфи бўйича келтирилган: жуда тез-тез (≥1/10), тез-тез (≥1/100, <1/10), тез-тез эмас (≥1/1000, <1/100), кам ҳолларда (≥1/10000, <1/100), жуда кам ҳолларда (<1/10000), тез-тезлиги номаълум (мавжуд маълумотлар бўйича баҳолаб бўлинмайди).
Қон ва лимфатик тизим томонидан бузилишлар
Жуда кам ҳолларда: тромбоцитопения, агранулоцитоз, эозинофилия
Иммун тизими томонидан бузилиш
Кам ҳолларда: гиперсезувчанлик
Эндокрин тизими томонидан бузилиш
Жуда кам ҳолларда: гирсутизм
Озиқланиш ва моддалар алмашинуви бузилишлари
Жуда тез-тез: гиперкалиемия1
Тез-тез: гиперкалиемия2
Кам ҳолларда: гипонатриемия, дегидратация, порфирия
Тез-тезлиги номаълум: гиперхлоремик ацидоз
Психиканинг бузилиши
Тез-тез эмас: дезориентация
Нерв тизими томонидан бузилишлар
Тез-тез эмас: уйқучанлик3, бош оғриғи
Жуда кам ҳолларда: фалаж, параплегия
Юрак томондан бузилишлар
Жуда тез-тез: аритмия4
Томирлар томонидан бузилишлар
Жуда кам ҳолларда: васкулит
Тез-тезлиги номаълум: номақбул артериал гипотензия
Нафас олиш тизими, кўкрак қафаси органлари ва кўкс оралиғи томонидан бузилишлар
Жуда кам: овознинг ўзгариши
Ошқозон-ичак тракти томонидан бузилишлар
Тез-тез: кўнгил айниши, қусиш
Кам ҳолларда: гастрит, ошқозон яраси, ошқозондан қон кетиши, ошқозодаги оқриқлар, диарея
Жигар ва сафро чиқариш йўллари томонидан бузилишлар
Жуда кам ҳолларда: гепатит
Тери ва тери ости тўқималарининг бузилиши
Кам ҳолларда: тошма, эшакеми
Жуда кам: алопеция, экзема, ҳалқасимон эритема, терининг югуриксимон жароҳатлари Тез-тезлиги номаълум: буллез пемфигоид6
Суяк-мушак тизими ва бириктирувчи тўқима томонидан бузилишлар
Жуда кам ҳолларда: остеомаляция
Буйрак ва сийдик чиқариш йўллари томонидан бузилишлар
Жуда кам ҳолларда: ўткир буйрак етишмовчилиги
Жинсий аъзолар ва сут безлари томонидан бузилишлар
Жуда тез-тез: либидонинг пасайиши, эректил дисфункция, гинекомастия (эркакларда), сут безларининг оғриқлилиги, кўкрак қафасидаги оғриқлар (эркакларда), сут безларининг катталашиши, ҳаёз циклининг бузилиши (аёлларда)
Тез-тез: бепуштлик5
Тизимли бузилишлар ва юборилиш жойидаги асоратлар
Тез-тез эмас: астения, чарчоқлилик
Лаборатор ва инструментал маълумотлар
Жуда кам ҳолларда: қонда мочевинанинг концентрациясини ошиши, қонда креатинин концентрациясини ошиши
Тез-тезлиги номаълум: гликозилирланган гемоглобиннинг миқдорининг ошиши (HbA1c)
1 Буйрак етишмовчилиги бўлган пациентларда ва калий препаратларини олаётган пациентларда.
2 Кекса ёшдаги, қандли диабет билан касалланган ва ААФ ингибиторларини олаётган пациентларда.
3 Жигар циррози бўлган пациентларда.
4 Буйрак етишмовчилиги бўлган пациентларда ва калий препаратларини олаётган пациентларда.
5 Юқори дозаларни қўллаш ҳолларида (суткада 450 мг).
6 Кўпинча, узоқ вақт давомида қўлланилганда.
Спиронолактинни қабул қилишни тўхтатгандан сўнг одатда нохуш самаралар йўқолади.

Maxsus shartlar

Махсус огоҳлантиришлар ва эҳтиёткорлик чоралари
Асосий касаллиги ацидоз ва/ёки гиперкалиемия ривожланишига ундаши мумкин бўлган беморларда спиронолактонни жуда эҳтиёткорлик билан қўллаш лозим.
Диабетик нефропатияси бўлган пациентларда гиперкалиемияни ривожланиш хавфини ошириши мумкин.
Спиронолактонни қабул қилиш қон мочевинасининг азотини (ҚМА) транзитор ошиб кетишини чақириши мумкин, айниқса мавжуд бўлган буйрак функцияси бузилиши ва гиперкалиемия фонида. Спиронолактон қайтувчан гиперхлоремик метаболик ацидозни чақириши мумкин. Шундай қилиб, буйрак ва жигар функцияси бузилиши бўлган пациентларда, ҳамда кекса ёшдаги беморларда препаратни қўллашда қон зардоби электролитларининг ва буйрак функциясининг кўрсаткичларини мунтазам текшириб туриш керак.
Спиронолактонни гиперкалиемияни чақирувчи дори воситалари (масалан, бошқа калий тежовчи диуретиклар, ААФ ингибиторлари, ангиотензин II рецепторларининг антагонистлари, альдостерон блокаторлари, гепарин, паст молекулали гепарин, калий препаратлари, калийга бой парҳез, калий сақловчи ўрнини босувчи тузларни истеъмол қилиш) билан бир вақтда қўлланилиши оғир гиперкалиемиянинг ривожланишига олиб келиши мумкин.
Гиперкалиемия ўлим оқибатларига олиб келиши мумкин. Спиронолактон қабул қилувчи Оғир юрак етишмовчилиги бўлган пациентларда калий миқдорини назорат қилиш ва тўғирлаш жуда ҳам муҳимдир. Препаратни бошқа калий тежовчи диуретиклар билан бирга қўллаш мумкин эмас. Зардобда калий миқдори 3,5 мЭкв/л дан юқори пациентларда калий препаратларини қўллаш мумкин эмас. Препаратни қабул қилишни бошлашдан кейин бир ҳафтадан сўнг калий ва креатининнинг мавжудлигини мониторинги ёки спиронолактон дозасининг оширилиши тавсия этилган частотаси биринчи 3 ой мобайнида ҳар ой, сўнгра йил мобайнида ҳар чорак, шундан сўнг - ҳар 6 ойда. Қондаги калий миқдори 5 мЭкв/л дан юқори ёки креатинин миқдори 4 мг/дл дан юқори бўлса даволашни тўхтатиш ёки вақтинча тўхтатиш керак. ("Қўллаш усули ва дозалар" бўлимига, Юрак етишмовчилигининг қўшимча терапиясига қаранг).
Порфирияси бўлган пациентларда Верошпирон препаратини жуда катта эҳтиёткорлик билан қўллаш лозим, чунки кўпгина препаратлар порфирияни зўрайишини келтириб чиқаради.
Препарат билан даволаниш вақтида алкоголь истеъмол қилиш тақиқланади.
Лактозани ўзлаштира олмаслик ҳолларда 50 мг капсулалар 127,5 мг лактоза моногидратига, 100 мг капсулалар эса 255,0 мг лактоза моногидратига эга эканлигини эътиборга олиш лозим бўлади. Мазкур препаратни галактозани ўзлаштира олмаслик, лактоза танқислиги ёки глюкозо-галактоз мальабсорбция синдроми каби кам учрайдиган наслий касалликлар бўлган пациентларга буюриш мумкин эмас.
Верошпиронни 100 мг ли капсулалари ўз таркибида сариқ шафақ бўёвчисини (Е 110) сақлайди, у аллергик реакцияларни чақириши мумкин.
Ҳомиладорлик ва эмизиш даврида қўллаш
Ҳомиладорлик
Спиронолактон одамда антиандроген самарага эга, шунинг учун уни ҳомиладорлик вақтида қўллаш мумкин эмас ("Қўллаш мумкин бўлмаган ҳолатлар" бўлимини кўринг). Спиронолактон ёки унинг метаболитлари гематоплацентар тўсиқ орқали ўтади. Ҳомиладор каламушларда спиронолактонни қўллаш фонида эркак жинси ҳомиланинг феминизацияси кузатилган, туғилгандан сўнг эса эркак ва аёл жинслари болаларида эндокрин бузилишлар кузатилган. Ҳомиладор аёлларда спиронолактонни қўллаш фақат агар таҳмин этилувчи фойда она ва ҳомила учун хавф эҳтимолидан юқори бўлгандагина имконияти мавжуд.
Эмизиш даври
Спиронолактионнинг метаболитлари кўкрак сутида аниқланган. Спиронолактонни қўллаш зарурати туғилса, болани кўкракдан ажратиш ва болани озиқлантиришнинг бошқа усулини қўллаш лозим бўлади.
Транспорт воситаларини ва механизмларни бошқариш қобилиятига таъсири
Давомийлиги шахсий равишда белгиланадиган даволашнинг бошланғич даврида транспорт воситаларини ва хавфли механизмларни бошқаришдан вақтинча воз кечиш керак. Кейинчалик бу чекловга алоҳида ҳар бир пациент учун нисбий ёндашиш лозим.

Qo'llanilishi

Пациентни бошқа диуретиклар билан даволашнинг самарасизлиги ёки уларнинг самарадорлигини оширишни зарурати туғилган ҳоллардаги димланган юрак етишмовчилигида.
Эссенциал артериал гипертензия, асосан, гипокалиемия ҳолларида, одатда бошқа антигипертензив препаратлари билан мажмуада.
Шиш ва/ёки асцит билан кечувчи жигар циррози ҳолларида.
Бирламчи гиперальдостеронизмни даволаш учун.
Нефротик синдром билан боғлиқ шишларда.
Бошқа даволаш усулини қўллаш мумкин бўлмаган ҳолларда гипокалиемияни даволаш учун.
Юрак гликозидларини қабул қилаётган пациентларда гипокалиемияни олдини олиш учун қачонки бошқа даволаш усулларини қўллаш мақсадга мувофиқ бўлмаса ёки мос келмаганда қўлланади.

Qo'llanilishi mumkin bo'lmagan holatlar

Таъсир этувчи моддага ёки "Таркиби" бўлимида санаб ўтилган ёрдамчи моддаларнинг биронтасига ўта юқори сезувчанликда.
Анурия
Ўткир буйрак етишмовчилиги
Буйрак фаолиятининг оғир бузилиши (калава фильтрациясининг тезлиги < 10 мл/мин).
Юрак етишмовчилиги (калава фильтрациясининг тезлиги < 30 мл/мин ёки зардобдаги креатинин >220 мкмоль/л).
Гиперкалиемия.
Гипонатриемия.
Аддисон касаллиги.
Эплеренон ёки бошқа калий тежовчи диуретикларни бир вақтда қўллаш.
Ҳомиладорлик ва лактация даврида қўллаш мумкин эмас.

Dozirovkasi

Дозалаш схемаси
Катта ёшдагилар
Агар 25 мг доза зарур бўлса, Верошпирон препаратини 25 мг ли таблеткаларни қўллаш лозим.
Бирламчи гиперальдостеронизм:
Диагностик мақсадлар учун
1) Узоқ муддатли тест: спиронолактон 3-4 ҳафта давомида 400 мг/кунига қабул қилинади. Гипокалиемияни ва артериал гипертензияни тўғирлашга эришилганда бирламчи гиперальдостеронизмнинг мавжудлигини таҳмин қилса бўлади.
2) Қисқа муддатли тест: спиронолактон 4 кун мобайнида 400 мг/кунига қабул қилинади. Верошпирон препаратини қабул қилиш вақтида қонда калий миқдорини ошишида ва уни бекор қилингандан сўнг пасайишида бирламчи гиперальдостеронизмнинг мавжудлигини таҳмин қилса бўлади.
Даволаш
Жарроҳлик даволашга тайёргарликда спиронолактон кунига 100 мг дан 400 мг гача дозада буюрилиши мумкин. Агар операция кўрсатилмаган бўлса, спиронолактон камроқ самарали дозада узоқ муддатли қўллаб турувчи терапия учун қўлланилиши мумкин. Бундай вазиятда препаратни ҳар 14 кунда бошланғич дозани минимал самарали дозагача пасайтириш мумкин. Узоқ муддат давомида қўлланган ҳолларда, ножўя самараларни камайтириш мақсадида Верошпиронни бошқа гуруҳга мансуб диуретиклар билан мажмуада қўллаш тавсия қилинади.
Димланган юрак етишмовчилиги ёки нефротик синдром фонидаги шишлар
Бошланғич доза 100 мг ташкил қилади ва интервал кунига 25 мг дан 200 мг гача ўзгартирилиши мумкин, препаратни 1-2 марта қабул қилиш мумкин. Юқорироқ дозалар буюрилганида, Верошпиронни буйрак найчаларининг проксимал бўлимига таъсир қилувчи диуретикларнинг бошқа гуруҳлари билан мажмуада қабул қилиш мумкин. Бундай ҳолда Верошпироннинг дозасига тузатиш киритилиши керак.
Оғир юрак етишмовчилигини (Нью-Йорк кардиологик ассоциациянинг (NYHA) таснифланиши бўйича ва ≤35% ташлаб юбориш фракцияси билан III-IV-синф) даволашда қўшимча терапия
Агар қон зардобида калий миқдори 5,0 Мэкв/л дан ошмаётган, қон зардобида креатинин тўпланиши эса 2,5 мг/дл дан ошмаётган бўлса, асосий стандарт терапия фонида қўллашнинг бошида спиронолактоннинг дозаси кунига 25 мг ни ташкил қилиши керак. Клиник кўрсатмалар бўйича 25 мг/кунига дозада препаратни яхши кўтара олувчи беморларга дозани 50 мг/кунига ошириш мумкин. 25 мг/кунига дозада препаратни кўтара олмаётган беморларга 2 кунда бир маротаба 25 мг гача препаратни дозасини пасайтириш мумкин.
Аввал қўлланилган гипотензив дори воситаларининг самарадорлиги етарлича бўлмаган вазиятда артериал гипертензияни даволашда қўшимча терапия
Бошқа гипотензив препаратлар билан бир вақтда қўллашда спиронлактоннинг бошланғич дозаси 25 мг/кунни ташкил қилади. Агар 4 ҳафта ўтгандан сўнг артериал босим мақсадли кўрсаткичларга эришилмаса, препаратнинг дозаси икки маротабага оширилиши мумкин. Гиперкалиемия ривожланишини чақириши мумкин бўлган препаратни (масалан, ААФ ингибиторлари ёки ангиотензин рецепторларининг блокаторлари) олувчи артериал гипертензия билан касалланган беморларда спиронолактонни қўллашни бошлашгача қон зардобидаги калий ва креатинин мавжудлигини баҳолаш лозим бўлади. Қон зардобида калийнинг миқдори 5,0 ммоль/л дан ошиқ, қон зардобида креатиннинг миқдори эса 2,5 мг/дл дан ошиқ бўлган беморларга Верошпирон препаратини қўлаш лозим бўлмайди. Спиронолактонни қабул қилишни бошлагандан сўнг 3 ой мобайнида қондаги калий ва креатининнинг мавжудлигини пухта назорат қилиб бориш лозим.
Асцит ёки шишлар билан кечувчи жигар циррози:
Агар сийдикда Na+/Ka+ нисбати 1,0 дан ортиқ бўлса, препаратни суткалик доза 100 мг ни ташкил қилади. Агар бу нисбати 1,0 дан кам бўлса, препаратни суткалик доза 200 мг дан 400 мг гача бўлган интервалда бўлиши керак.
Самарани бир маромда сақлаб турувчи доза шахсий равишда танланиши керак.
Гипокалиемия
Калий ёки бошқа калий тежовчи дори воситаларининг қўллаш усуллари етарлича бўлмаса, препарат 25-100 мг суткалик дозада тайинланади.
Болалар ва 18 ёшгача бўлган ўсмирлар
Препаратнинг бошланғич дозаси 1-4 қабул қилишда кунига 1-3 мг/кг тана оғирлигини ташкил қилиши керак. Бошқа диуретиклар билан мажмуада самарани бир маромда сақлаб турувчи терапияда спиронолактон дозасини 1-2 мг/кг гача пасайтириш керак.
Зарурат туғилганда 25 мг майдаланган таблеткалардан суспензия тайёрлаш мумкин.
Кекса пациентлар
Даволашни анча кичик дозалардан бошлаб кейинчалик дозани максимал самарага эришилгунича аста секин ошириб бориш лозим. Пациентда ўрин тутган жигар ёки буйрак бузилишларини эътиборга олиш лозим, чунки улар препаратнинг метаболизмига ва уни чиқарилишига таъсир кўрсатади. Бундан ташқари, кекса пациентларда дори воситасини қўллашда гиперкалиемия ривожланиши хавфини эътиборга олиш лозим ("Эҳтиёткорлик чоралари" бўлимига қаранг).
Қўллаш усули
Кўпинча, спиронолактоннинг суткалик дозаси овқатдан кейин кунига1 ёки 2 маротаба қабул қилинади. Препаратнинг суткалик дозасини ёки суткалик дозанинг биринчи қисмини эрталаб қабул қилиш тавсия этилади.

Umumiy ma'lumot

VEROSHPIRON tabletkalari 25mg N20 qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

VEROSHPIRON^®

VEROSPIRON^®

Preparatning savdo nomi: Veroshpiron^® (Verospiron^®)

Ta‘sir etuvchi modda (XPN): spironolakton (spironolactone)

Dori shakli: tabletkalar, kapsulalar

Tarkibi:

Veroshpiron 25 mg li tabletkalar

Har bir tabletka quyidagilarni saqlaydi:

faol modda: 25 mg spironolakton,

yordamchi moddalar: suvsiz kolloid kremniy dioksidi, magniy stearati, talk, makkajo‘xori kraxmali, laktoza monogidrati.

Veroshpiron 50 mg li kapsulalar

Har bir kapsula quyidagilarni saqlaydi:

faol modda: 50 mg spironolakton,

yordamchi moddalar: natriy laurilsulfati, magniy stearati, makkajo‘xori kraxmali, laktoza monogidrati.

Kapsula qobig‘i:

kapsulaning yuqori qismi: xinolin sarig‘i bo‘yovchisi (Ye 104), titan dioksidi (Ye 171), jelatin.

kapsulaning pastki qismi: titan dioksidi (Ye 171), jelatin.

Veroshpiron 100 mg li kapsulalar

Har bir kapsula quyidagilarni saqlaydi:

faol modda: 100 mg spironolakton,

yordamchi moddalar: natriy laurilsulfati, magniy stearati, makkajo‘xori kraxmali, laktoza monogidrati.

Kapsula qobig‘i:

kapsulaning yuqori qismi: sariq shafaq (Ye 110), titan dioksidi (Ye 171), jelatin.

kapsulaning pastki qismi: sariq shafaq (Ye 110), titan dioksidi (Ye 171), xinolin sarig‘i bo‘yovchisi (Ye 104), jelatin.

Ta‘rifi:

25 mg li tabletkalar: oq yoki deyarli oq, yassi, o‘ziga xos merkaptan xidli va bir tomonida “VEROSPIRON•” markirovkasi bo‘lgan faskali dumaloq tabletkalar. Diametri: 9 mm atrofida.

50 mg li kapsulalar: №3 o‘lchamli, qattiq jelatin kapsula.

Yuqori qismi: tiniq bo‘lmagan, sariq rangli.

Pastki qismi: tiniq bo‘lmagan, oq rangli.

100 mg li kapsulalar: №0 o‘lchamli, qattiq jelatin kapsula.

Yuqori qismi: tiniq bo‘lmagan, to‘q sariq rangli.

Pastki qismi: tiniq bo‘lmagan, sariq rangli.

Farmakoterapevtik guruhi: Kaliyni tejovchi diuretiklar. Aldosteron antagonistlari.

ATX kodi: S03DA01

Farmakologik xususiyatlari

Farmakodinamikasi

Spironolakton aldosteronning konkurent antagonisti hisoblanadi. U aldesteron samaralariga nefronning distal naychalarida suv va Na⁺ tutilishini ingibisiya qilish, shuningdek K⁺chiqarilishiga ta‘sir ko‘rsatadi. U bilan birga Na⁺ va Cl⁺ni chiqarilishini oshirishi va K⁺ ni siydik bilan chiqarilishini kamaytirishi, N⁺ ni chiqarilishini ham kamaytiradi. O‘zining diuretik samarasi tufayli gipotenziv ta‘sir ko‘rsatadi.

Farmakokinetikasi

So‘rilishi

Ovqat spironolakton biokiraolishligini va so‘rilishini oshirishi sababli, spironolaktonni tizimli metabolizmini pasaytirishi mumkin. Biokiraolishligi >90%.

15 kun davomida har kuni ovqat qabul qilayotgan sog‘lom ko‘ngillilar 100 mg spironolaktonni qabul qilganlaridan so‘ng T_max 2,6 soat, S_max 80 ng/ml va t_½1,4 soatni tashkil qilgan. 7-alfa-(tiometil)-spironolakton uchun: t_max 3,2 soat, S_max 391 ng/ml va 13,8 soatni, kanrenon uchun ko‘rsatkichlar mos ravishda: t_max 4,3 soat, S_max 181 ng/ml va 16,5 soatni tashkil qilgan.

Taqsimlanishi

Kanrenon va spironolakton plazma oqsillari bilan 90% dan yuqori darajada bog‘lanadi.

Metabolizmi

Spironolakton peroral qabul qilinganidan so‘ng tez va to‘liq metabolizmga uchraydi.

Uning faol metabolitlari 7-alfa-(tiometil)-spironolakton va kanrenondir.

Chiqarilishi

Metabolitlari asosan buyrak orqali, kam qismi – safro bilan chiqariladi.

Xavfsizligi bo‘yicha klinika oldi tekshiruvlarining natijalari

Adabiyotlardagi ma‘lumotlarga muvofiq, odam uchun mo‘ljallangan dozalardan ancha ko‘p marta yuqori dozalar hayvonlarga uzoq vaqt davomida yuborilganida ularda o‘sma va mieloid leykoz rivojlangan; shu sababli, spironolaktonni uzoq vaqt qabul qilishdan saqlanish kerak.

Qo‘llanilishi

Pasientni boshqa diuretiklar bilan davolashning samarasizligi yoki ularning samaradorligini oshirishni zarurati tug‘ilgan hollardagi dimlangan yurak yetishmovchiligida.
Essensial arterial gipertenziya, asosan, gipokaliemiya hollarida, odatda boshqa antigipertenziv preparatlari bilan majmuada.
Shish va/yoki assit bilan kechuvchi jigar sirrozi hollarida.
Birlamchi giperaldosteronizmni davolash uchun.
Nefrotik sindrom bilan bog‘liq shishlarda.
Boshqa davolash usulini qo‘llash mumkin bo‘lmagan hollarda gipokaliemiyani davolash uchun.
Yurak glikozidlarini qabul qilayotgan pasientlarda gipokaliemiyani oldini olish uchun qachonki boshqa davolash usullarini qo‘llash maqsadga muvofiq bo‘lmasa yoki mos kelmaganda qo‘llanadi.

Qo‘llash usuli va dozalari

Umuman, Veroshpironning sutkalik dozasi ovqatdan so‘ng bir yoki ikki marta qabul qilishga bo‘lib buyuriladi. Sutkalik dozani yoki sutkalik dozaning birinchi qismini ertalab qabul qilish tavsiya qilinadi.

Birlamchi giperaldosteronizm:

Birlamchi giperaldosteronizm tashhisi qo‘yilgan hollarda operativ aralashuvga tayyorgarlik sifatida preparat 100-400 mg dozada buyurilishi mumkin. Operativ aralashuv rejalashtirilmayotgan pasientlarda, preparat uzoq muddatli samarani bir maromda saqlab turuvchi davolash sifatida shaxsiy tartibda tanlangan eng kichik dozada qo‘llanilishi mumkin. Ta‘riflangan vaziyatda, har 14 kunda boshlang‘ich dozani minimal samarali dozagacha pasaytirish mumkin. Uzoq muddat davomida qo‘llangan hollarda, nojo‘ya samaralarni kamaytirish maqsadida preparatni boshqa guruhga mansub diuretiklar bilan majmuada qo‘llash tavsiya qilinadi.

Shishlar (dimlangan yurak yetishmovchiligi, nefrotik sindrom):

Kattalar: boshlang‘ich sutkalik doza 100 mg (25-200 mg) ni tashkil qiladi va bir yoki ikki marta qabul qilinadi.

Yuqoriroq dozalar buyurilganida, Veroshpironni buyrak naychalarining proksimal bo‘limiga ta‘sir qiluvchi diuretiklarning boshqa guruhlari bilan majmuada qabul qilish mumkin. Bunday holda Veroshpironning dozasiga tuzatish kiritilishi kerak.

Assit yoki shishlar bilan kechuvchi jigar sirrozi:

Agar siydikda Na⁺/Ka⁺ nisbati 1 dan ortiq bo‘lsa, boshlang‘ich sutkalik doza va maksimal sutkalik doza 100 mg ni tashkil qiladi. Agar bu nisbati 1 dan kam bo‘lsa, boshlang‘ich sutkalik doza 200 mg ni, maksimal doza sutkada 400 mg ni tashkil qiladi.

Samarani bir maromda saqlab turuvchi doza shaxsiy ravishda tanlanishi kerak.

Essensial arterial gipertenziya:

Bir yoki ikki marta qabul qilishga bo‘lingan holda buyurilgan boshlang‘ich sutkalik doza 50-100 mg ni tashkil qiladi va boshqa antigipertenziv preparatlari bilan majmuada qabul qilinadi. Davolashni kamida 2 hafta davom ettirish kerak, chunki maksimal antigipertenziv samaraga shu muddat oxirida erishiladi. So‘ngra erishilgan samaraga qarab, dozani oshirish shaxsiy ravishda amalga oshirilishi lozim.

Gipokaliemiya:

Pasientlarda K⁺li ovqatga qo‘shimchalar yoki kaliy o‘rnini bosuvchi terapiyaning boshqa usullari yetarli bo‘lmaganida, preparat 25-100 mg sutkalik dozada qabul qilinadi.

Bolalar:

Boshlang‘ich sutkalik doza tana vazniga 1-3 mg/kg ni tashkil qiladi va bir yoki ikki marta qabul qilish uchun bo‘linadi. Boshqa diuretiklar bilan majmuada samarani bir maromda saqlab turuvchi terapiyada dozani 1-2 mg/kg gacha pasaytirish kerak.

Keksa pasientlar:

Davolashni ancha kichik dozalardan boshlab keyinchalik dozani maksimal samaraga erishilgunicha asta sekin oshirib borish lozim. Pasientda o‘rin tutgan jigar yoki buyrak buzilishlarini e‘tiborga olish lozim, chunki ular preparatning metabolizmiga va uni chiqarilishiga ta‘sir ko‘rsatadi.

Nojo‘ya reaksiyalar

Noxush reaksiyalar kaliyni chiqarilishini va spironolaktonning antiandrogen ta‘sirini kuchaytiruvchi aldosteronning konkurent antagonizmi natijasi hisoblanadi. Nojo‘ya reaksiyalar MedDRA regulyator faoliyatining tibbiy lug‘atiga asosan MedDRA da aniqlangan tez-tezligacha muvofiq a‘zolar tizimi sinfi bo‘yicha keltirilgan: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam (≥1/10000, <1/100), juda kam <1/10000), tez-tezligi noma‘lum (mavjud ma‘lumotlar bo‘yicha baholab bo‘lmaydi).

MedDRA ga asosan a‘zolar tizimi bo‘yicha nojo‘ya reaksiyalar	Juda tez-tez	Tez-tez	Tez-tez emas	Kam	Juda kam	Tez-tezligi ma‘lum emas
Qon va limfatik tizim tomonidan buzilishlar					Trombosito-peniya, agranu-lositoz, eozinofiliya
Immun tizimi tomonidan buzilishlar				O‘ta yuqori sezuvchanlik
Endokrin buzilishlar					Girsutizm
Oziqlanish va moddalar almashinuvi buzilishlari	Giperkali- emiya ¹	Giperkali- emiya ²		Giponatrie-miya, degid- ratasiya, porfiriya		Giper- xloremik asidoz
Psixik buzilishlar			Ongni chalkashishi
Nerv tizimi tomonidan buzilishlar			Uyquchan-lik⁴, bosh og‘rig‘i		Falaj, paraplegiya
Kardiologik buziishlar	Aritmiya ⁴
Tomir buzilishlari					Vaskulit	Gipoten-ziya
Respirator, torakal va mediastinal buzilishlar					Tovush pardasini o‘zgarishi
Ovqat hazm qilish tizimi tomonidan buzilishlar		Ko‘ngil aynishi, qusish		Gastrit, yara me‘dadan qon ketishi, me‘dada og‘riq, diareya
Gepatobiliar tizim tomonidan buzilishlar					Gepatit
Teri va teri osti klechatkasi tomonidan buzilishlar				Toshma, eshakem	Alopeniya, ek-zema, xalqa-simon erite-ma, terining yuguriksimon jarohatlari
Suyak-mushak tizimi va birik-tiruvchi to‘qima tomonidan buzilishlar					Osteomalyasiya
Siydik chiqarish tomonidan buzilishlar					O‘tkir buyrak yetishmovchiligi
Reproduktiv tizim va sut bezlari tomonidan buzilishlar	Libidoni pasayishi, erektil dis-funksiya, ginekomastiya (erkaklarda), sut bezlarida og‘riq, sut bez-larini katta-lashishi, xayz-ni buzilishi (ayollarda)	Bepushtlik⁵
Tizimli buzi-lishlar va yubo-rilish joyidagi asoratlar			Asteniya, toliqish
Labarator ko‘rsatkichlar-dagi o‘zgarishlar					Qon zardobida mochevina darajasini oshishi

¹ Buyrak yetishmovchiligi bo‘lgan pasientlarda va kaliy preparatlarini olayotgan pasientlarda.

² Keksa yoshdagi, qandli diabet bilan kasallangan va AAF ingibitorlarini olayotgan pasientlarda.

³ Jigar sirrozi bo‘lgan pasientlarda.

⁴ Buyrak yetishmovchiligi bo‘lgan pasientlarda va kaliy preparatlarini olayotgan pasientlarda.

⁵ Yuqori dozalarni qo‘llash hollarida (sutkada 450 mg).

Qo‘llash mumkin bo‘lmagan holatlar

Ta‘sir etuvchi moddaga yoki yordamchi moddalarning birontasiga o‘ta yuqori sezuvchanlik.
Anuriya, o‘tkir buyrak yetishmovchiligi, buyrakning azotni chiqarish faoliyatini yaqqol buzilishi (kalava filtrasiyasining tezligi < 10 ml/min).
Yurak yetishmovchiligi (kalava filtrasiyasining tezligi <30 ml/min yoki zardobdagi kreatinin >220 mkmol/l).
Giperkaliemiya.
Giponatriemiya.
Addison kasalligi.
Homiladorlik va laktasiya davri.
6 yoshgacha bo‘lgan bolalarga qo‘llash mumkin emas.

Dorilarning o‘zaro ta‘siri

Spironolaktonni va boshqa kaliyni tejovchi diuretiklarni, AAF ingibitorlarini, angiotenzin-II reseptori antagonistlarini, aldosteron blokatorlarini, kaliy preparatlarini birga qabul qilish og‘ir giperkaliemiyaga olib kelishi mumkin.
Boshqa diuretiklar bilan (diurez kuchayadi).
Xolestiramin, ammoniy xloridi (giperkaliemiya va giperxloremik metabolik asidozning xavfi oshadi).
Immunodepressantlar (takrolimus va siklosporin): giperkaliemiyaning xavfi oshadi.
Antigipertenziv preparatlar – ayniqsa ganglioblokatorlar – haddan tashqari gipotenziya rivojlanishi mumkin. Shu boisdan, davolash tartibiga Veroshpironni keyinchalik zaruratga ko‘ra dozasiga tuzatish kiritish bilan qo‘shilganda antigipertenziv preparatlarning dozasi kamaytirilishi mumkin.
Alkogol, barbituratlar yoki narkotik preparatlar (spironolakton chaqiruvchi ortostatik gipotenziyani kuchaytirishi mumkin).
Pressor aminlar (norepinefrin): Veroshpiron ularning ta‘sirini pasaytiradi. Buni ushbu preparatlarni qo‘llash fonida mahalliy yoki umumiy anesteziyani o‘tkazilishida e‘tiborga olish kerak.
Nosteroid yallig‘lanishga qarshi vositalar (NYAQV), xususan, asetilsalisil kislotasi, indometasin va mefenam kislotasi (Veroshpironning diuretik, natriyuretik va antigipertenziv ta‘siri pasayishi bilan birga kechuvchi giperkaliemiya xavfi oshadi).
Glyukokortikosteroidlar, AKTG (kaliyni chiqarilishi paradoksal oshadi).
Digoksin (spironolakton digoksinning yarim chiqarilish davrini uzaytiradi, bu qon zardobida uning darajasini oshishiga va glikozid bilan intoksikasiyaga olib kelishi mumkin).
Litiy: litiy preparatlarini diuretiklar bilan bir vaqtda buyurish mumkin emas, chunki ular litiyning buyrak klirensini pasaytiradi va intoksikasiya xavfini oshirishi mumkin.
Karbenoksolon natriyni tutilishini chaqirishi mumkin, va shunday qilib, spironolaktonning samarasini pasaytirishi mumkin.
Karbamazepin (spironolakton bilan bir vaqtda qabul qilinganida klinik ahamiyatli giponatriemiyani rivojlanishini chaqirishi mumkin).
Kumarin hosilalari (ularning samarasi susayadi).
Triptorelin, buserelin, gonadorelin: ularning samarasi kuchayadi.

Laborator tekshiruvlarning natijalariga ta‘siri: digoksinning konsentrasiyasini radioimmunologik usullar bilan aniqlanish jarayoniga ta‘siri kutilishi mumkin.

Maxsus ko‘rsatmalar

Spironolakton diabetik nefropatiyasi bo‘lgan pasientlarda giperkaliemiyani rivojlanish xavfini oshirishi mumkin.
Spironolakton bilan davolash, ayniqsa buyrak faoliyatini buzilishlari va giperkaliemiyasi bo‘lgan pasientlarda qon zardobida mochevinadagi azotining darajasini tranzitor oshishini chaqirishi mumkin. Spironolakton qaytuvchan giperxloremik metabolik asidozni rivojlanishini chaqirishi mumkin. Shu boisdan, buyrak va jigar faoliyatini buzilishlari bo‘lgan pasientlarda, shuningdek keksa yoshdagi pasientlarda buyrak faoliyatining biokimyoviy ko‘rsatkichlarini, shuningdek elektrolitlar muvozanatini muntazam tekshirib turish kerak.
Kaliy saqlovchi qo‘shimchalar, kaliyga boy parhez, boshqa kaliy tejovchi diuretiklarni qo‘llash, kaliy saqlovchi o‘rnini bosuvchi tuzlarni iste‘mol qilish, AAF ingibitorlarini, angiotenzin II antagonistlarini, aldosteron reseptorlarini antagonistlarini, geparin yoki quyi molekulyar geparinlarni, trimetoprimni yoki giperkaliemiyani chaqiruvchi boshqa preparatlar birga qo‘llanganda og‘ir giperkaliemiyaga olib kelishi mumkin, ayniqsa buyrak yetishmovchiligi bo‘lgan bemorlarda.
Asidoz yoki giperkaliemiyani rivojlanishiga olib keluvchi kasalliklari (masalan, qandli diabeti) bo‘lgan pasientlarda alohida ehtiyotkorlik bilan qo‘llash kerak.
Shuningdek, o‘rtacha buyrak yetishmovchiligi (zardobdagi kreatinin 1,2 mg/100 ml va
1,8 mg/100 ml orasida yoki kreatinin klirensi minutiga 60 ml va minutiga 30 ml orasida), gipotoniyasi va gipovolemiyasi bo‘lgan pasientlarda ham alohida ehtiyotkorlik bilan qo‘llash kerak.
Tana vaznini tez kamayishidan saqlanish kerak.
Og‘ir yurak yetishmovchiligidagi giperkaliemiyasi bo‘lgan pasientlarda.

Giperkaliemiya hayot uchun xavfli bo‘lishi mumkin. Og‘ir yurak yetishmovchiligi bo‘lgan bemorlarda qon zardobida kaliy miqdorini sinchkovlik bilan nazorat qilish kerak. Agar qondagi kaliy miqdori 3,5 mmol/l dan yuqori bo‘lsa, kaliy saqlovchi diuretiklarni qo‘llashdan saqlanish kerak. Qondagi kreatinin va kaliy miqdorini davolash boshlanganidan bir hafta keyin, so‘ngra – har olti oyda nazorat qilish tavsiya qilinadi. Agar qondagi kaliy miqdori 5 mmol/l dan yuqori yoki kreatinin miqdori 4 mg/dl dan yuqori bo‘lsa davolashni to‘xtatish yoki vaqtincha to‘xtatish kerak.

Spironolakton bilan davolash zardobda digoksinni, plazmada kortizolni va epinefrinni aniqlash jarayonini buzishi mumkin.
Spironolakton bilan davolanish vaqtida alkogol iste‘mol qilish taqiqlanadi.

Dori shaklining tarkibiga laktoza kiradi. Laktozani o‘zlashtiraolmaslikning kam uchraydigan tug‘ma shakllari: Lappa laktaza yetishmovchiligi, glyukoza-galaktoza malabsorbsiyasi bo‘lgan pasientlarda buyurish mumkin emas.

Homiladorlik va emizish davrida qo‘llash

Homiladorlik: Veroshpironni qo‘llash mumkin emas.

Emizish davri: Veroshpironni qo‘llash mumkin emas. Agar preparatni qo‘llash zarurati tug‘ilsa, bolani ko‘krakdan ajratish lozim.

Transport vositalarini va mexanizmlarni boshqarish qobiliyatiga ta‘siri

Davomiyligi shaxsiy ravishda belgilanadigan davolashning boshlang‘ich davrida transport vositalarini va xavfli mexanizmlarni boshqarishdan vaqtincha voz kechish kerak. Keyinchalik bu cheklovga alohida har bir pasient uchun nisbiy yondashish lozim. Nojo‘ya samaralar odatda preparatni qabul qilish to‘xtatilishi bilan yo‘q bo‘ladi.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: O‘tkir dozani oshirib yuborilishi ko‘ngil aynashi, qusish, ongni xiralashishi, ongni chalkashishi, makulo-papulez yoki eritematoz toshma, diareya ko‘rinishlarda kechadi.

Suv-elektrolit muvozanati buzilishi (masalan, giperkaliemiya yoki giponatriemiya) yoki degidratasiya kuzatilishi mumkin.

Yurak impulslarni o‘tkazilishi va tuzilishini buzilishi (masalan, yurak atrioventrikulyar blokadasi, yurak bo‘lmasi xilpilashi, yurak urishini to‘xtashi) yoki EKGda o‘zgarishlar (baland arkasimon T tishi va QRS majmuani amplitudasi oshishi) kuzatilishi mumkin.

Davolash: Simptomatik va tutib turuvchi davolash qilinishi kerak. Qusishni keltirish yoki me‘dani yuvish kerak. Spesifik antidot mavjud emas. Suvsizlanish, suv-elektrolit muvozanati buzilishini va gipotoniyani odatiy usullar bilan davolash kerak. Giperkaliemiyani (20-50%) glyukozani va oddiy insulinni (0,25-0,5 TB/g glyukoza) tez yuborish bilan davolash mumkin. Kaliyni chiqaruvchi diuretiklarni va ionnalarni almashtiruvchi smolalarni qo‘llash mumkin. Spironolaktonni to‘xtatish, kaliyni iste‘mol qilishni – kamaytirish kerak (shu jumladan, kaliy saqlovchi oziq-ovqat mahsulotlarini).

Chiqarilish shakli

Tabletkalar: 20 tabletka A1/PVX blisterda.

1 blister qo‘llash bo‘yicha yo‘riqnomasi ilova qilingan karton qutida.

50 mg va 100 mg li kapsulalar: 10 kapsula A1/PVX blisterda.

3 blister qo‘llash bo‘yicha yo‘riqnomasi ilova qilingan karton qutida.

Saqlash sharoiti

Tabletkalar: +25^oS dan yuqori bo‘lmagan haroratda saqlansin.

50 mg va 100 mg li kapsulalar: +30^oS dan yuqori bo‘lmagan haroratda saqlansin.

Yaroqlilik muddati

5 yil.

Dorixonalardan berish tartibi

Shifokor resepti bo‘yicha