Depantol

Depantol®ni homiladorlik va laktatsiya davrida qo‘llash mumkin.

DEPANTOL^®

dori preparatini tibbiyotda qo‘llash bo‘yicha

YO‘RIQNOMA

 

Preparatning savdo nomi Depantol^®

Xalqaro patentlanmagan nomi yoki guruhlangan nomi

Dekspantenol + Xlorgeksidin&

Dori shakli Sirtga qo‘llash uchun krem.

Tarkibi

1 g krem quyidagilarni saqlaydi:

Ta‘sir etuvchi moddalar: dekspantenol – 52,5 mg, xlorgeksidin biglyukonati – 8,02 mg (xlorgeksidin biglyukonati 20% li eritma ko‘rinishida ishlatiladi – 42,7 mg);

yordamchi moddalar: propilenglikol – 100 mg, makrogol setostearati – 16 mg, setostearil spirti [setil spirti 60% dan ko‘p emas, stearil spirti 40% dan kam emas] – 54 mg, suyuq parafin – 100 mg, vazelin – 100 mg, natriy gidrofosfat dodekagidrati –     0,2 mg, kaliy digidrofosfati – 7,8 mg, suv – 1 g gacha.

Ta‘rifi Oq yoki deyarli oq rangli krem.

Farmakoterapevtik guruhi

To‘qimalar reparasiyasini rag‘batlantiruvchisi

ATX kodi: D08AC52

 

Farmakologik xususiyatlari

Majmuaviy preparat. Dekspantenol – V guruhi vitamini, organizmda pantotenat kislotasiga metabolizm bo‘ladi, u koenzim A ning tarkibiy qismi bo‘lib, asetil guruhini qo‘shilish jarayonlarida, uglevodlar va yog‘lar almashinuvida, asetilxolin, glyukokortikosteroidlar, porfirinlar sintezida ishtirok etadi; terining regenerasiyasini rag‘batlantiradi, xujayra metabolizmini normallashtiradi, mitozni tezlashtiradi va kollagen tolalarning mustahkamligini oshiradi. Regenerasiya qiluvchi, vitamin, metabolik va yallig‘lanishga qarshi ta‘sir ko‘rsatadi. Xlorgeksidin – mikroblarga qarshi preparat, antiseptik vositadir. Grammusbat va grammanfiy bakteriyalar, shu jumladan Staphylococcus spr., Enterococcus spp., Pseudomonas aeruginosa, E. coli, Streptococcus spp. larga, shuningdek achitqi zamburug‘lari va dermatofitlarga nisbatan samarali. Qon, yiring, turli sekretlar va organik moddalarda o‘z faolligini saqlab qoladi.

Depantol^® kremi jarohatning yuzasini infeksiyalardan himoya qiladi, infeksion jarohatni kechishini susaytiradi va bitishni tezlashtiradi.

 

Qo‘llanilishi

Terining infeksiyalangan jarohatlarini davolash va oldini olish:

– infeksiyalanish xavfi bo‘lganida yaralarga ishlov berish uchun (shilinishlar, kesilishlar, tirnalishlar, yoriqlar, qashlanishlar, shu jumladan hashoratlar chaqqanidan keyin, kuyishlar, trofik yaralar);

– operasiyadan keyingi jarohatlarga ishlov berish uchun;

– infeksiyalangan yaralar, kuyishlar (shu jumladan quyoshdan), yotoq yaralar, ko‘karishlar, kesilishlar, yoriqlar, trofik yaralar, bichilishlarni davolash uchun;

– infeksiyalangan dermatozlarni (shu jumladan ekzema va atopik dermatit) davolash uchun qo‘llanadi.

Bolalarda, shuningdek yo‘rgak dermatitida, infeksiyalanish belgilari bo‘lgan tirnalishlarda qo‘llanadi.

Emizikli onalarda – infeksiyalanish belgilari bo‘lgan sut bezlari so‘rg‘ichlarining yoriqlari va yallig‘lanishida qo‘llanadi.

 

Qo‘llash mumkin bo‘lmagan holatlar

Preparatning komponentlariga o‘ta yuqori sezuvchanlikda qo‘llash mumkin emas.

 

Qo‘llash usuli va dozalari

Sirtga buyuriladi. Krem terining shikastlangan sohasiga ko‘rsatmalar bo‘yicha sutkada    1 yoki bir necha marta yupqa qilib surtiladi. Emizikli onalar kremni so‘rg‘ichning infeksiyalangan yuzasiga emizgandan keyin surtishlari mumkin. Emadigan bolalarda infeksiyalangan joylarga kiyim almashtirilganidan yoki suvli muolajalardan keyin surtiladi.

 

Nojo‘ya ta‘siri

Allergik reaksiyalar bo‘lishi mumkin.

O‘zaro ta‘siri

Xlorgeksidin sovun va boshqa anionli moddalar bilan mos kelmaydi.

Maxsus ko‘rsatmalar

Ko‘zga tushishiga yo‘l qo‘ymaslik kerak. Homiladorlikda va laktasiyada katta sohalarga qo‘llashdan saqlanish kerak.

Chiqarilish shakli

Sirtga qo‘llash uchun krem.

25, 30 yoki 50 g dan alyumin tubalarda. Har bir tuba preparatni qo‘llash bo‘yicha yo‘riqnomasi bilan birga karton qutida.

 

Yaroqlilik muddati

2 yil. O‘ramida ko‘rsatilgan yaroqlilik muddati o‘tganidan so‘ng ishlatilmasin.

 

Saqlash sharoiti

Bolalar ololmaydigan joyda, 25⁰S dan yuqori bo‘lmagan haroratda saqlansin.

 

Dorixonalardan berish tartibi

Reseptsiz.

 

Chiqarilish shakli
Vaginal suppozitoriylar 100 mg+16 mg. 
5 suppozitoriy polietilen bilan laminatlangan polivinilxlorid plyonka kontur uyali o‘ramda. 
1 yoki 2 kontur uyali o‘ram preparatni tibbiyotda qo‘llash bo‘yicha yo‘riqnomasi bilan birga karton qutida joylanadi.

Depantol® - regeneratsiya qiluvchi, antiseptik, metabolik ta’sir ko‘rsatuvchi mahalliy qo‘llash uchun majmuaviy preparatdir. Preparatning tarkibiga kiruvchi xlorgeksidin grammusbat va grammanfiy bakteriyalar: Treponema pallidum, Chlamidia spp., Ureaplasma spp., Neisseria gonorrhoeae, Gardnerella vaginalis, Bacteroides fragilis, Escherichia coli, Staphylococcus sp., Streptococcus spp.; achitqilar, dermatofitlar, sodda hayvonlarga (Trichomonas vaginalis) nisbatan faol. Preparatga Pseudomonas spp., Proteus spp. ning ayrim shtammlari kuchsiz sezgir, shuningdek bakteriyalarning kislotaga chidamli shakllari, bakteriyalarning sporalari chidamli. Preparatning tarkibiga kiruvchi dekspantenol shilliq qavatlarining regeneratsiyasini rag‘batlantiradi, xujayra metabolizmini normallashtiradi, mitozni tezlashtiradi va kollagen tolalarning mustahkamligini oshiradi.
Depantol® laktobatsillalarning funksional faolligini buzmaydi. Qon, yiring bor joyda faolligini (garchi biroz pastroq bo‘lsada) saqlab turadi.

Retseptsiz.

Saqlash sharoiti
25 °С dan yuqori bo‘lmagan haroratda.
Bolalar ololmaydigan joyda saqlansin.
Yaroqlilik muddati
2 yil. 
O‘ramda ko‘rsatilgan yaroqlilik muddati o‘tganidan so‘ng preparat ishlatilmasin.

Oq yoki kulrang yoki sarg‘ish tusli oq rangli, torpedasimon shaklli voronkasimon chuqursi bo‘lgan suppozitoriylar. Marmarlik bo‘lishiga yo‘l qo‘yiladi.

Dozani oshirib yuborish xollari noma’lum. Dori dozasini ishlatish bo‘yicha ko‘rsatmalarda muvofid preparatni qo‘llash extimolli emas.

Maxsus ko‘rsatmalar
Yon ta’siri bo‘lsa, preparatni qo‘llashni to‘xtatib, shifokor bilan maslaxatlashing. Davolash davrida jinsiy aloqada bolishdan saqlanish tavsiya etiladi qo‘llarni ishlatishdan oldin va kein yuvish kerak.

Transport vositalarni, mexanizmlarni boshqarishi qobiliyatiga ta’siri.
Preparatni qo‘llash mexanizmlarni ishlatish, mexanizimlar bilan ishlash qobiliyatiga ta’sir qilmaydi.