EGOLANZA

QO‘LLASH BO‘YICHA YO‘RIQNOMA

(pasientlar uchun ma‘lumot)

Egolanza^®

qobiq bilan qoplangan tabletkalari 5 mg, 7,5 mg, 10 mg, 15 mg, 20 mg

(Olanzapin)

Preparatni qabul qilishdan avval yo‘riqnomani to‘liq va diqqat bilan o‘qib chiqing.

• Ushbu ilova-varaqani saqlab qo‘ying. Ehtimol, Sizga uni qayta o‘qib chiqishga to‘g‘ri kelishi mumkin.
• Agar Sizda qo‘shimcha savollar paydo bo‘lsa shifokoringizga, farmasevtga yoki Sizga yordam berayotgan shaxslarga murojaat qiling.
• Bu dori vositasi Siz uchun buyurilgan. Uni boshqa odamlarga bermang. U ularga hatto ularda kasallikning xuddi shu simptomlari bo‘lsa ham, zarar yetkazishi mumkin.
• Agar Sizda biron-bir nojo‘ya samara paydo bo‘lsa yoki Siz bu yo‘riqnomada ko‘rsatilmagan nojo‘ya samaralarni sezsangiz, shifokoringizga yoki farmasevtga xabar qiling (4 bo‘limga qarang).

Ushbu ilova-varaqa quyidagi ma‘lumotlarni saqlaydi:

1. Egolanza qobiq bilan qoplangan tabletkalari preparati nima va u nima uchun qo‘llaniladi
2. Egolanza qobiq bilan qoplangan tabletkalari preparatini qabul qilishdan oldinnimalarni bilish kerak.
3. Egolanza qobiq bilan qoplangan tabletkalari preparatini qanday qabul qilishkerak
4. Bo‘lishi mumkin bo‘lgan nojo‘ya samaralar
5. Egolanza qobiq bilan qoplangan tabletkalari preparatini qanday saqlash kerak
6. Yaroqlilik muddati
7. Dorixonalardan berish tartibi
8. O‘ram ichidagisi va boshqa ma‘lumotlar

1. Egolanza qobiq bilan qoplangan tabletkalari preparati nima va u nima uchun qo‘llaniladi

Egolanza antipsixotik preparatlar deb ataladigan dori vositalari guruhiga kiradi.

Egolanza preparati haqiqatda mavjud bo‘lmagan ko‘rish, eshitish yoki sezish hissiyotlari kabi simptomlari mavjud bo‘lgan shizofreniyani davolash, bemorlarning noto‘g‘ri taasurotlar, odatdagi bo‘lmagan shubhalar va odamovilikni davolash uchun qo‘llaniladi. Bunday kasallikda odamlar depressiya, xavotirlik yoki bezovtalik holatida bo‘lishi mumkin.

Egolanza preparati haddan tashqari ko‘tarinki kayfiyat, normaga qaraganda ortiq energiya oqib kelishi, uyquga ehtiyojni kamayishi, fikrlarni keskin o‘zgarishi bilan kechuvchi nutqni tezlashishi, ba‘zida yaqqol rivojlangan ta‘sirchanlik bilan davom etishi bilan kechuvchi holatlarni davolash uchun qo‘llaniladi. Preparat shuningdek kayfiyatni barqarorlashtiradi va keyinchalik kayfiyatni keskin o‘zgarishlarini oldini oladi.

2. Egolanza qobiq bilan qoplangan tabletkalari preparatini qabul qilishdan oldin nimalarni bilish kerak

Egolanza qobiq bilan qoplangan tabletkalari preparatning quyidagi holatlarda qabul qilmang:

• Agar Sizda olanzapin (preparatning ta‘sir etuvchi moddasi) ga yoki 8 bo‘limda ko‘rstilgan Egolanza qobiq bilan qoplangan tabletkalari preparatining har qanday yordamchi moddalarga allergiya bo‘lsa. Allergik reaksiya toshmalar, qichishish, yuzni shishi, lablar shishi yoki hansirash holatlari bo‘yicha aniqlanishi mumkin. Agar Sizda bu simptomlar paydo bo‘lsa, shifokorga murojaat qiling.
• Agar Sizda ilgari ko‘z kasalliklari masalan, glaukomaning ba‘zi turlari (ko‘z ichki bosimini oshishi) aniqlangan bo‘lsa.

Tibbiyotda qo‘llanishda ehtiyotkorlik choralari

Egolanza qobiq bilan qoplangan tabletkalarini qo‘llashni boshlashdan oldin davolovchi shifokoringiz, farmasevt yoki Sizga yordam berayotgan shaxs bilan maslahatlashing.

Quyida ta‘riflangan hollarda, agar sanab o‘tilganlardan birortasi Sizga taalluqli bo‘lsa, albatta shifokorga xabar bering.

• Bu turdagi dori vositalar ko‘pincha yuz va tilda odatdagi bo‘lmagan harakatlar chaqirishi mumkin. Agar Egolanza preparatini qabul qilgandan keyin Sizda shu simptomlar paydo bo‘lsa, shifokorga murojaat qiling.
• Juda kam hollarda bu turdagi dori vositalari isitmalash, nafas olishni tezlashishi, ko‘p terlash, mushak tangligi, mudroq bosishi va uyquchanlik holatlari bilan birga kelishini chaqirishi mumkin. Agar shunday holat yuz bersa, darhol shifokorga murojaat qiling.
• Agar Sizda yoki Sizning qarindoshlaringizda ilgari tromboz (qon tomirlarda qon laxtalarini paydo bo‘lishi) kuzatilgan bo‘lsa, chunki bu turdagi preparatlar qon tomirlari trombozini chaqirishi mumkin.
• Egolanza preparatini qabul qilayotgan pasientlarda tana vazni oshishi kuzatilgan. Siz va davolovchi shifokoringiz muntazam ravishda tana vazningizni nazorat qilib turishingiz kerak.
• Egolanza preparatini qabul qilayotgan pasientlarda qonda qand va yog‘lar (trigliseridlar va xolesterin) miqdorini oshishi kuzatilgan. Shifokoringiz davolashdan oldin va davolash vaqtida qonda qand va yog‘lar miqdorini muntazam nazorat qilib turish kerak.
• Egolanza preparatini demensiyasi bo‘lgan keksa yoshli pasientlarda (fikrlash qobiliyatini yomonlashishi) qo‘llash tavsiya etilmaydi, chunki og‘ir nojo‘ya reaksiyalar chaqirishi mumkin.

Agar Sizda quyidagi kasalliklardan birontasi bo‘lsa, iloji boricha tezroq bu haqida shifokorga xabar bering:

• Diabet
• Yurak kasalliklari
• Jigar yoki buyrak kasalliklari
• Parkinson kasalligi
• Tutqanoq (tirishish xurujlari)
• Prostata bezi kasalliklari
• Ichak tutilishi (paralitik)
• Qon kasalliklari
• Insult yoki “kichik” insult (insultni o‘tib ketuvchan simptomlari bilan)

Agar Sizda demensiya bo‘lsa, Siz yoki Sizga yordam berayotgan shaxs yoki qarindoshingiz Sizda qachonlardir insult yoki “kichik” insult bo‘lganligi to‘g‘risida shifokorga xabar berish kerak.

Agar Siz 65 yoshdan oshgan bo‘lsangiz, oddiy ehtiyotkorlik chorasi sifatida shifokor Sizning qon bosimingizni kuzatib turishi kerak.

Bolalar va 18 yoshgacha bo‘lgan o‘smirlar

Egolanza preparati 18 yoshdan kichik pasientlar uchun mo‘ljallanmagan.

Boshqa dori vositalari va Egolanza qobiq bilan qoplangan tabletkalari preparati

Siz qabul qilayotgan, yaqinda qabul qilgan yoki qabul qilishni rejalashtirayotgan, har qanday dori vositasi, shu jumladan reseptsiz beriladigan dori vositalari haqida davolovchi shifokoringiz yoki farmasevtga xabar bering.

Egolanza preparati bilan davolash kursi vaqtida boshqa dori vositalarini faqat shifokor ruxsati bilan qabul qiling. Agar Egolanza preparatni antidepressantlar yoki xavotirlikni bartaraf qiluvchi dorilar yoki uxlashga yordam beruvchi (trankvilizatorlar) bilan qabul qilinsa, uyquchanlik paydo bo‘lishi mumkin.

Agar Siz quyidagi dori vositalarini qabul qilayotgan bo‘lsangiz, davolovchi shifokoringizga xabar bering:

• parkinsonizmga qarshi dorilar
• fluvoskamin (antidepressant) yoki siprofloksasin (antibiotik), chunki Egolanza preparati dozasini o‘zgartirish zarurati paydo bo‘lishi mumkin.

Egolanza qobiq bilan qoplangan tabletkalari preparatini ovqat, ichimliklar va alkogol bilan qabul qilish

Egolanza preparati bilan davolanish vaqtida spirtli ichimliklarni iste‘mol qilmang, chunki alkogol va bu preparatni birga qabul qilish uyquchanlik chaqirishi mumkin.

Fertillik, homiladorlik va emizish

Agar Siz homilador bo‘lsangiz, bola emizsangiz yoki homiladorlikni taxmin qilayotgan bo‘lsangiz yoki homilador bo‘lishni rejalashtirayotgan bo‘lsangiz, bu preparatni qo‘llashdan oldin bu haqida davolovchi shifokoringizga yoki farmasevtga xabar bering.

Homiladorlik

Homiladorlik vaqtida bu preparatni shifokor maslahatisiz qabul qilish mumkin emas.

Emizish

Agar emizayotgan bo‘lsangiz, Siz bu preparatni qabul qilmasligingiz kerak, chunki Egolanza preparatining oz miqdori sut bilan ajralishi mumkin.

Agar Siz homilador bo‘lsangiz emizsangiz har qanday dori vositasini qabul qilishdan oldin, shifokoringiz yoki farmasevt bilan maslahatlashing.

Transport vositalarini boshqarish va mexanizmlar bilan ishlash qobiliyatiga ta‘siri

Egolanza preparatini qabul qilish vaqtida uyquchanlik paydo bo‘lishi mumkin. Agar shu holat yuz bersa, transport vositalarini boshqarmang va xavfli asboblar yoki mexanizmlar bilan ishlamang. Bu haqida shifokorga xabar bering.

Egolanza qobiq bilan qoplangan tabletkalari preparati o‘zida laktoza saqlaydi

Egolanza dori vositasi laktoza saqlaydi. Agar davolovchi shifokoringiz Sizda ba‘zi qandlarni o‘zlashtiraolmaslik to‘g‘risida ma‘lumot bergan bo‘lsa, ushbu dori vositasini qo‘llashdan oldin unga maslahat uchun murojaat qiling.

3. Egolanza qobiq bilan qoplangan tabletkalari preparatini qanday qabul qilish kerak

Egolanza preparatini har doim faqat shifokorning qat‘iy ko‘rsatmasi bo‘yicha qabul qiling. Agar Sizda savollar paydo bo‘lsa, shifokorga murojaat qiling.

Dozalash tartibi

Davolovchi shifokoringiz Sizga Egolanza qobiq bilan qoplangan tabletkalarini qancha miqdorda qabul qilishingiz kerak va davolash kursi qancha muddat davom etishi to‘g‘risida aytadi. Egolanza preparatining sutklik dozasi 5-20 mg ni tashkil etadi. Agar kasallikning simptomlari qaytalansa, shifokor bilan maslahatlashing, ammo shifokor taklif qilmaguncha Egolanza preparatini qabul qilishni to‘xtatmang.

Qo‘llash usuli

Ichga qabul qilish uchun qobiq bilan qoplangan tabletkalar.

Siz Egolanza qobiq bilan qoplangan tabletkalari preparatini shifokor ko‘rsatmasiga asosan kunda bir marta qabul qilishingiz kerak. Tabletkalarni har kuni taxminan bir vaqtda qabul qilishga harakat qiling. Preparatni ovqatlanishdan qat‘iy nazar qabul qiling. Egolanza tabletkasini butunligicha suv bilan qabul qilishingiz kerak. 5 mg li Egolanza tabletkasini teng ikkita dozaga bo‘lish mumkin.

Agar Siz Egolanza qobiq bilan qoplangan tabletkalari preparatini buyurilgandan ko‘proq qabul qilgan bo‘lsangiz

Egolanza preparatini juda ko‘p miqdorda qabul qilgandan keyin quyidagi simptomlar paydo bo‘lishi mumkin: yurak urishini tezlashishi, qo‘zg‘aluvchanlik yoki tajovuzkorlik, nutqni buzilishi, odatdagi bo‘lmagan harakatlar (ayniqsa yuz va tilda) va es-hushni pasayishi. Boshqa bo‘lishi mumkin bo‘lgan simptomlar: o‘tkir ongni chalkashish holati, tirishish hurujlari (tutqanoq), koma, isitmani nafas olishni tezlashishi bilan kechishi, terlash, mushak tangligi, mudroq bosishi yoki uyquchanlik; ba‘zida nafas olish tez-tezligini kamayishi, nafas yo‘llariga yot jismlar tushib qolishi, qon bosimini oshishi yoki pasayishi, yurak ritmini buzilishlari. Darhol shifokorga yoki shifoxonaga murojaat qiling. Shifokorga tabletkalari bor o‘ramni ko‘rsating.

Agar Siz Egolanza qobiq bilan qoplangan tabletkalari preparatini qabul qilishni unutgan bo‘lsangiz

Tabletkalarni eslagan zahoti qabul qiling.

Agar keyingi tabletkani qabul qilish vaqti yaqinlashgan bo‘lsa, o‘tkazib yuborilgan dozani o‘rnini bosish uchun ikki martalik doza qabul qilmang, chunki Siz o‘tkazib yuborgan dozani o‘rnini to‘ldira olmaysiz, lekin dozani oshirib yuborilishi xavfini oshirishingiz mumkin.

Agar Siz Egolanza qobiq bilan qoplangan tabletkalari preparatini qabul qilishni to‘xtatgan bo‘lsangiz.

Holatingiz yaxshilangan bo‘lsa ham, tabletkalarni qabul qilishni to‘xtatmang. Egolanza tabletkalarini shifokor buyurgan muddat davomida qabul qilishni davom ettirish muhim.

Agar Siz Egolanza preparatini qabul qilishni to‘satdan to‘xtatsangiz, terlash, uyqusizlik, tremor, xavotirlik, ko‘ngil aynishi va qusish kabi simptomlar kelib chiqishi mumkin. Preparatni qabul qilishni to‘xtatishdan oldin shifokor Sizga dozani asta-sekin kamaytirish to‘g‘risida maslahat beradi.

Agar Sizda preparatni qabul qilish bo‘yicha qo‘shimcha savollar paydo bo‘lsa, shifokorga yoki farmasevtga murojaat qiling.

4. Bo‘lishi mumkin bo‘lgan nojo‘ya samaralar

Barcha boshqa dori vositalari kabi, bu preparat ham nojo‘ya samaralar keltirib chiqarishi mumkin, biroq ular hamma pasientlarda ham kuzatilmaydi.

Quyida sanab o‘tilgan ko‘rinishlardan birontasi paydo bo‘lsa, darhol shifokoringizga murojaat qiling:

• Odatdagi bo‘lmagan harakatlar, ayniqsa yuzda yoki tilda (tez-tez uchraydigan nojo‘ya samaralar, 10 pasientdan 1 tadan kamrog‘ida uchraydi).
• Venalarda qon laxtalarini shakllanishi (tez-tez uchramaydigan nojo‘ya samara, 100 pasientdan 1 tadan kamroq uchraydi), ayniqsa oyoqlarda. Simptomlariga: oyoqlarda shish, og‘riq va qizarish kabilar kiradi. Qon laxtalari qon tomirlari orqali o‘pkaga borishi va ko‘krakda og‘riq va nafas olishni qiyinlashishini chaqirishi mumkin. Agar Sizda shunday simptomlar rivojlansa, darhol shifokorga murojaat qiling.
• Isitma, nafas olishni tezlashishi, terlash, mushaklarni tangligi, mudroq holati va uyquchanlikni birga kelishi (bunday nojo‘ya reaksiyani rivojlanishi tez-tezligini mavjud ma‘lumotlar asosida aniqlab bo‘lmaydi).

Juda tez uchraydigan nojo‘ya samaralar (10 pasientdan 1 tadan ko‘proq uchraydi)

• Tana vazni oshishi
• Uyquchanlik
• Qonda prolaktin (sut ajralib chiqishini rag‘batlantiruvchi gormon) darajasini oshishi
• Davolashning boshida bosh aylanishi va xushdan ketish (yurak qisqarishlari tez-tezligini kamayishi bilan), ayniqsa o‘tirgan yoki yotgan holatda turganda. Odatda bu holat aralashishsiz o‘tib ketadi, agar u o‘tib ketmasa, bu haqida davolovchi shifokoringizga xabar bering.

Tez-tez uchraydigan nojo‘ya samaralar 10 pasientdan 1 tadan ko‘proq uchraydi:

• Aylanib yuruvchi qonda ayrim qon hujayralari va yog‘lar miqdorini o‘zgarishi
• Davolashningboshlang‘ich bosqichida jigar fermentlari faolligini vaqtinchalik oshishi
• Qonda va siydikda qand miqdorini oshishi
• Qonda siydik kislotasi va kreatinin-fosfokinaza darajasini oshishi
• Kuchli ochlik hissi
• Bosh aylanishi
• Bezovtalik
• Tremor
• Odatdagi bo‘lmagan harakatlar (odatda yuz va til mushaklarda)
• Qabziyat
• Og‘izni qurishi
• Toshmalar
• Holsizlik
• Kuchli toliqish
• Suyuqlikning tutilish natijasida panja, tovon va kaft shishi
• Isitma
• Bo‘g‘imlarda og‘riq.

Tez-tez uchramaydigan nojo‘ya samaralar (100 pasientdan 1 tadan ko‘proq uchraydi)

• Allergik reaksiyalar (masalan, lab, tomoq shishi, qichishish, terida toshmalar)
• Ba‘zida ketoasidoz (qon va siydikda keton tanachalarini paydo bo‘lishi) yoki koma bilan kechuvchi qandli diabet yoki mavjud qandli diabetni zo‘rayishi
• Tirishish xurujlari, ayniqsa ilgari tirishish xurujlari (tutqanoq) bo‘lgan bemorlarda
• Mushaklar rigidligi yoki spazmi shu jumladan (ko‘zni harakatlantiruvchi mushaklar spazmi)
• Nutqni buzilishi
• Yurak qisqarishining tez-tezligini kamayishi
• Burundan qon ketish
• Qorin dam bo‘lishi
• Xotira yo‘qolishi yoki xotirani pasayishi
• Siydikni tutibturaolmaslik (siydik chiqarishni tutib turaolmaslik)
• Siyishni qiyinlashishi
• Soch to‘kilishi
• Hayz ko‘rishni o‘tib ketishi yoki qisqa muddatli xayz sikli
• Erkak va ayollarda ko‘krak bezida o‘zgarishlar, masalan, ko‘krak bezini kattalashishi yoki normal bo‘lmagan ko‘krak suti ajralishi
• Venalarda qon laxtalarini paydo bo‘lishi, ayniqsa oyoqlarda (simptomlariga oyoqlar shishi, og‘riq va qizarish kiradi). Qon laxtalari qon tomirlari orqali o‘pkaga borib ko‘krakda og‘riq va nafas olishning qiyinlashishini chaqirishi mumkin. Agar Sizda shunday simptomlar rivojlansa, darhol shifokorga murojaat qiling.

Kam uchraydigan nojo‘ya samaralar (1000 pasientdan 1 tadan kamroq uchraydi)

• Tananing normal haroratini pasayishi
• Yurak ritmini buzilishlari
• Qorinda kuchli og‘riq, isitma va qusishni chaqiruvchi me‘da osti bezini yallig‘lanishi
• Teri va ko‘z oqligining sariqligi bilan kechuvchijigar kasalligi
• Tushuntirib bo‘lmaydigan og‘riqlar bilan kechuvchi mushak kasalliklari
• Uzoq davom etadigan va/yoki og‘riqli ereksiya

Egolanza preparati bilan davolash kursi davomida demensiyasi bo‘lgan keksa pasientlarda (65 yoshdan oshgan) insult, pnevmoniya, siydikni tutib turaolmaslik, yiqilib tushish holatlari, haddan tashqari toliqish, ko‘rish gallyusinasiyalari, tana haroratini oshishi, terini qizarishi va yurishni buzilishlari paydo bo‘lishi mumkin. Bu guruh pasientlarda bir necha o‘lim holatlarii qayd qilingan.

Egolanza Parkinson kasalligi simptomlarini kuchaytirishi mumkin.

Kam holatlarda shu turdagi dori preparatining qabul qilgan ayollarda ko‘krak suti ajralib chiqishi, shuningdek hayzni o‘tkazib yuborish yoki muntazam bo‘lmagan hayzlar kuzatiladi. Agar bu holatlar o‘tib ketmasa, shifokorga murojaat qilish lozim.

Har qanday nojo‘ya samaralar paydo bo‘lganida yoki yo‘riqnomada ko‘rsatilmagan nojo‘ya samaralar aniqlansa, shifokorga yoki farmasevtga murojaat qiling.

Nojo‘ya samaralar haqida xabar berib, Siz preparatning xavfsizligi to‘g‘risida qo‘shimcha ma‘lumot olishga yordam berasiz.

5. Egolanza qobiq bilan qoplangan tabletkalari preparatini qanday saqlash kerak

30^oS dan yuqori bo‘lmagan haroratda saqlansin.

Bolalar olaolmaydigan joyda saqlansin!

Agar ko‘rinadigan buzilish belgilari (masalan, rangini o‘zgarishi) ni aniqlasangiz, Egolanza preparatini qabul qilmang.

6. Yaroqlilik muddati

Yaroqlilik muddati o‘ramida ko‘rsatilgan.

O‘ramida ko‘rsatilgan yaroqlilik muddati o‘tgandan keyin Egolanza preparatini qabul qilmang.

Yaroqlilik muddati o‘tish vaqti ko‘rsatilgan oyning oxirgi kuni hisoblanadi.

Dori vositalarin maishiy chiqindilar yoki oqava suvlarga tashlab yuborish mumkin emas. Agar boshqa kerak bo‘lmagan preparatni chiqindilarga tashlash kerak bo‘lib qolsa, farmasevt bilan maslahatlashing. Bu choralar atrof-muhitni ifloslantirishni oldini olishga yordam beradi.

7. Dorixonalarda berish tartibi

Shifokor resepti bo‘yicha beriladi.

8. O‘ram ichidagisi va boshqa ma‘lumotlar

Egolanza qobiq bilan qoplangan tabletkalari preparati nima saqlaydi

Ta‘sir etuvchi modda: olanzapin

Egolanza qobiq bilan qoplangan tabletkalari 5 mg

Har bir tabletka 5 mg olanzapin saqlaydi

Egolanza qobiq bilan qoplangan tabletkalari 7,5 mg

Har bir tabletka 7,5 mg olanzapin saqlaydi

Egolanza qobiq bilan qoplangan tabletkalari 10 mg

Har bir tabletka 10 mg olanzapin saqlaydi

Egolanza qobiq bilan qoplangan tabletkalari 15 mg

Har bir tabletka 15 mg olanzapin saqlaydi

Egolanza qobiq bilan qoplangan tabletkalari 20 mg

Har bir tabletka 20 mg olanzapin saqlaydi

Yordamchi moddalar:

Egolanza qobiq bilan qoplangan tabletkalari 5 mg:

Yadrosi: mikrokristall sellyuloza, laktoza monogidrati (40,98 mg), giproloza

(gidroksipropilsellyuloza), krospovidon, magniy stearati

Qobig‘i: gipromelloza, xinolin sarig‘i CI47005, oq Opadry Y-1-7000 (gipromelloza, titan dioksidi, makrogol 400).

Egolanza qobiq bilan qoplangan tabletkalari 7,5 mg:

Yadrosi: mikrokristall sellyuloza, laktoza monogidrati (61,47 mg), giproloza (gidroksipropilsellyuloza), krospovidon, magniy stearati

Qobig‘i: gipromelloza, xinolin sarig‘i CI47005, oq Opadry Y-1-7000 (gipromelloza, titan dioksidi, makrogol 400).

Egolanza qobiq bilan qoplangan tabletkalari 10 mg:

Yadrosi: mikrokristall sellyuloza, laktoza monogidrati (81,97 mg), giproloza (gidroksipropilsellyuloza), krospovidon, magniy stearati

Qobig‘i: gipromelloza, xinolin sarig‘i CI47005, oq Opadry Y-1-7000 (gipromelloza, titan dioksidi, makrogol 400).

Egolanza qobiq bilan qoplangan tabletkalari 15 mg:

Yadrosi: mikrokristall sellyuloza, laktoza monogidrati (122,95 mg), giproloza (gidroksipropilsellyuloza), krospovidon, magniy stearati

Qobig‘i: gipromelloza, xinolin sarig‘i CI47005, oq Opadry Y-1-7000 (gipromelloza, titan dioksidi, makrogol 400).

Egolanza qobiq bilan qoplangan tabletkalari 20 mg:

Yadrosi: mikrokristall sellyuloza, laktoza monogidrati (163,94 mg), giproloza (gidroksipropilsellyuloza), krospovidon, magniy stearati

Qobiq: gipromelloza, xinolin sarig‘i CI47005, oq Opadry Y-1-7000 (gipromelloza, titan dioksidi, makrogol 400).

Egolanza qobiq bilan qoplangan tabletkalarining tashqi ko‘rinishi va o‘ram ichidagisi

Preparatning tashqi ko‘rinish

Egolanza qobiq bilan qoplangan tabletkalari 5 mg:

Uzunchoq, ikki tomoni qavariq, hidsiz yoki deyarli hidsiz, tabletkaning bir tomonida Ye harfi va 402 raqami o‘yib tushirilgan sariq tabletkalar.

Egolanza qobiq bilan qoplangan tabletkalari 7,5 mg:

Dumaloq, ikki tomoni qavariq, hidsiz yoki deyarli hidsiz, tabletkaning bir tomonida Ye harfi va 403 raqami o‘yib tushirilgan sariq tabletkalar.

Egolanza qobiq bilan qoplangan tabletkalari 10 mg:

Dumaloq, ikki tomoni qavariq, hidsiz yoki deyarli hidsiz, tabletkaning bir tomonida Ye harfi va 404 raqami o‘yib tushirilgan sariq tabletkalar.

Egolanza qobiq bilan qoplangan tabletkalari 15 mg:

Dumaloq, ikki tomoni qavariq, hidsiz yoki deyarli hidsiz, tabletkaning bir tomonida Ye harfi va 405 raqami o‘yib tushirilgan sariq tabletkalar.

Egolanza qobiq bilan qoplangan tabletkalari 20 mg:

Dumaloq, ikki tomoni qavariq, hidsiz yoki deyarli hidsiz, tabletkaning bir tomonida Ye harfi va 406 raqami o‘yib tushirilgan sariq tabletkalar.

O‘rami

7 qobiq bilan qoplangan tabletkadan blisterda. 4 yoki 8 blister tibbiyotda qo‘llash bo‘yicha yo‘riqnomasi bilan karton qutida.