Mahsulotning ko'rinishi saytdagi rasmdan farq qilishi mumkin.

MIDOKALM LONG tabletkalari 450mg N10

Kategoriya:

- Suyak mushak tizimi

Ishlab chiqarilish joyi:

- Polsha

Farmakoterapevtik guruh:

- Markaziy ta'sirga ega miorelaksant.

Faol modda:

толперизон гидрохлорид ВР

ko'proq ko'rsatish

Qadoqda soni:

- 10

Ishlab chiqaruvchi:

- ООО «Гедеон Рихтер Польша»

Vakil:

- Gedeon Richter

ATX kodi:

- M03BX04

Barcha MIDOKALM dorilari

Noaniqliq haqida habar berish

O'zbekiston Respublikasi dorilar reestri ro'yxatidan o'tgan

Toshkentning 55 ta dorixonasida topildi

ico 65 500 s`om dan

Dorixonalardan izlash

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

Tarkibi:

Har bir tabletka quyidagilarni saqlaydi:

faol modda: 450 mg tolperizon gidroxloridi;

yordamchi moddalar: gipromelloza K 100; etiltsellyuloza N 7; karbomer 71 G; tal'k; suvsiz kolloid kremniy dioksidi; magniy stearati.

Plyonka qobig'ini tarkibi: suvsiz kolloid kremniy dioksidi; titan dioksidi Ye171; makrogol 6000; laktoza monogidrati; gipromelloza 606.

Сhiqarilish shakli

10 tabletkadan PVX/PE/PVDX - alyumin fol'gali blisterda. 1 yoki 3 ta blisterdan tibbiyotda qo'llanilishiga doir yo'riqnomasi bilan birga karton qutiga joylangan.

Dori shakli

Ajralib chiqishi uzaytirilgan, plyonka qobiq bilan qoplangan tabletkalar

Farmakodinamikasi

Ta'sir mexanizmi

Tolperizon markaziy ta'sir etuvchi miorelaksant hisoblanadi. Tolperizonning ta'sir mexanizmi to'liq aniqlanmagan.

Farmakodinamik samaralar

U nerv to'qimasiga yuqori affinlikka ega bo'lib, bosh miya o'zagida, orqa miyada va periferik nerv tizimida ancha yuqori kontsentratsiyalarga erishadi.

Tolperizonning asosiy samarasi spinal reflektor yoylarning tormozlanishi bilan bog'liq. Ehtimol, bu samara, quyidagi intiluvchi yo'llar bo'ylab qo'zg'alishni o'tkazilishini susayishini bartaraf etish bilan birga, tolperizonning terapevtik ta'sirini ta'minlaydi.

Tolperizonning kimyoviy tuzilishi lidokainning tuzilishiga o'xshash. Lidokain kabi, u membranalarni barqarorlashtiruvchi ta'sirga ega va harakat neyronlari va birlamchi afferent tolalarning elektrik qo'zg'alishini pasaytiradi. Tolperizon ta'sir potentsialiga bog'liq natriy kanallarining faolligini dozasiga bog'liq ravishda tormozlaydi. Shunga muvofiq ta'sir potentsialining amplitudasi va tezligini pasaytiradi.

Ta'sir potentsialiga bog'liq kal'tsiy kanallariga susaytiruvchi samarasi isbotlangan. Uning membranalarni barqarorlashtiruvchi ta'siriga qo'shimcha sifatida, tolperizon mediatorni ajralib chiqishini tormozlashi ham mumkin deb tahmin qilinadi. Yuqoridagilarga qo'shimcha ravishda tolperizon al'fa-adrenergik antagonistlar va antimuskarin ta'sirlarning biroz kuchsiz xususiyatlariga ega.

Klinik samarasi va xavfsizligi

Midokalm® Long, ajralib chiqishi uzaytirilgan plyonka qobiq bilan qoplangan, 450 mg (kuniga 1 marta 1 tabletka) tabletkaning bel qismida og'riqlar bo'lgan patsientlarda samaradorligi va xavfsizligi Midokalm® plyonka qobiq bilan qoplangan, 150 mg (1 tabletkadan kuniga 3 marta) tabletkalarnikiga o'xshaydi.

Farmakokinetikasi

So'rilishi

Tolperizon ichga qabul qilingandan so'ng ingichka ichakda yaxshi so'riladi.

Metabolizmi

Tolperizon jigarda va buyrakda jadal metabolizmga uchraydi. Metabolitlarning farmakologik faolligi noma'lum.

Preparatni ajralib chiqishi uzaytirilgan, plyonka qobiq bilan qoplangan, 450 mg tabletkalar shaklida qabul qilishda nisbiy biokiraolishligi, preparatni kuniga 3 marta darhol chiqariladigan 150 mg tabletkalar shaklida qabul qilish bilan solishtirganda, o'rtacha 90% ni tashkil qiladi. Ajralib chiqishi uzaytirilgan tabletkalarning Smax darajasi darhol chiqariladigan tabletkalarning Smax ning taxminan 1/2 qismini tashkil qiladi.

Tarkibida yog'larning miqdori yuqori bo'lgan ovqatlar peroral buyurilgan tolperizonning biokiraolishligi oshiradi.

Сhiqarilishi

Birikma metabolitlar shaklida buyraklar orqali (99% dan ortiq) chiqariladi.

Klinikadan oldingi xavfsizlik

Klinikadan oldingi farmakologik xavfsizlik, takroriy dozaning toksikligi, genotoksiklik va reproduktiv toksiklik to'g'risidagi ma'lumotlarga asoslanib, odamlar uchun o'ziga xos xavf qayd etilmagan.
Hayvonlardagi samarasi faqat maksimal ruxsat etilgan odam dozasidan ancha yuqori dozalar ta'sirida kuzatilgan, bu klinik qo'llash uchun kam ahamiyatga ega ekanligini ko'rsatadi.

Nojo'ya samaralari

Xavfsizlik profili xulosasi

Tolperizonni qo'llanilganda eng ko'p holatlarda teri va teriosti to'qimalar tomonidan buzilishlar, umumiy, nevrologik va me'da-ichak buzilishlari ta'riflangan.

Ko'pchilik hollarda yuqori sezuvchanlik reaktsiyalar kuzatilgan.

Nojo'ya ta'sirlarni uchrash tezligi quyidagiga muvofiq aniqlanadi:

Dori vositalarning nojo'ya reaktsiyalari (DNR) tizimli organlar sinflariga ko'ra taqsimlanadi. Har bir chastota guruhida salbiy reaktsiyalar tez-tezligining kamayish tartibida keltirilgan. Tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (<1/10000); uchrash tezligi noma'lum (mavjud ma'lumotlar asosida baholash mumkin emas).

Tizim-a'zo sinfi	Tez-tezligi	Nojo'ya ta'sirlar
Qon va limfa tizimi tomonidan buzilishlar	juda kam hollarda	Anemiya, limfadenopatiya
Immun tizimi tomonidan buzilishlar	kam hollarda	O'ta yuqori sezuvchanlik reaktsiyalari*
	juda kam hollarda	Anafilaktik reaktsiya
	tezligi noma'lum	Angionevrotik shish (shuningdek, yuzni va labni shishishi)
Oziqlanish va moddalar almashinuvini buzilishlari	tez-tez emas	Anoreksiya
Oziqlanish va moddalar almashinuvini buzilishlari	juda kam hollarda	Polidipsiya
Ruxiy buzilishlar	tez-tez emas	Uyqusizlik, uyquni buzilishi
	kam hollarda	Faollikni pasayishi, depressiya
	juda kam hollarda	Ongni chalkashishi
Nerv tizimi tomonidan buzilishlar	tez-tez emas	Bosh og'rig'i, bosh aylanishi, uyquchanlik
Nerv tizimi tomonidan buzilishlar	kam hollarda	diqqatni buzilishi, tremor, tirishishlar, gipesteziya, paresteziya, letargiya
Ko'rish a'zolarlari tomonidan buzilishlar	kam hollarda	Ko'rishni buzilishi
Eshitish va muvozanat a'zolari tomonidan buzilishlar	kam hollarda	Quloqlarda shovqin, vertigo
Yurak tomonidan buzilishlar	kam hollarda	Stenokardiya, taxikardiya, oshushenie serdtsebieniya
Yurak tomonidan buzilishlar	juda kam hollarda	Bradikardiya
Qon-tomirlar tizimi tomonidan buzilishlar	tez-tez emas	Arterial gipotenziya
Qon-tomirlar tizimi tomonidan buzilishlar	kam hollarda	Teri giperemiyasi
Nafas olish tomondan, ko'krak qafasi va ko'ks oralig'i buzilishlar	kam hollarda	Nafas qisilishi, burundan qon ketishi, tez-tez nafas olish
Me'da-ichak trakt tomonidan buzilishlar	tez-tez emas	Qorinda diskomfort, diareya, og'izni qurishi, dispepsiya, ko'ngil aynishi
Me'da-ichak trakt tomonidan buzilishlar	kam hollarda	Epigastriyda og'riq, qabziyat, meteorizm, qusish
Jigar va o't chiqarish yo'llari tomonidan buzilishlar	kam hollarda	Jigar tomonidan yengil buzilishlar
Teri va teri osti kletchatkasi tomonidan buzilishlar	kam hollarda	Allergik dermatit, kuchaygan terlash, teri qichishishi, eshakemi, toshma
Suyak-mushak tizimi va biriktiruvchi to'qimalar tomonidan buzilishlar	tez-tez emas	Mushaklar zaifligi, mialgiya, qo'l-oyoqlarda og'riq
	kam hollarda	Qo'l-oyoqlarda diskomfort
	juda kam hollarda	Osteopeniya
Buyrak va siydik chiqarish tizimi tomonidan buzilishlar	kam hollarda	Enurez, proteinuriya
Umumiy buzilishlar va yuborish joyidagi asoratlar	tez-tez emas	Asteniya, diskomfort, toliqish
	kam hollarda	Mastlik hissi, qizib ketish xissi, ta'sirchanlik, chanqoqlik
	juda kam hollarda	Ko'krak qafasida diskomfort
Laborator va instrumental tekshiruvlar	kam hollarda	Arterial qon bosimini pasayishi, giperbilirubinemiya, jigar fermentlarining faolligini o'zgarishi, trombotsitopeniya, leykotsitoz
Laborator va instrumental tekshiruvlar	juda kam hollarda	Qonda kreatinining miqdorini oshishi

Alohida nojo'ya ta'sirlarning ta'rifi
O'ta yuqori sezuvchanlik reaktsiyalarini rivojlanishi haqida olingan xabarlarning miqdori barcha olingan xabarlarning taxminan 50-60% ni tashkil qilgan. Ko'pchilik hollarda bu jiddiy bo'lmagan nojo'ya reaktsiyalar bo'lgan. Hayot uchun xavf tug'diruvchi allergik ta'sirlar haqida juda kam xabar berilgan.

Shubhali nojo'ya ta'sirlar xaqida xabarlar
Dori vositasi qayd qilinganidan so'ng shubhali nojo'ya reaktsiyalar hodisasi to'g'risida ma'lumot berish kerak. Bu dori vositasini foyda-havf nisbatini har doim monitoringini o'tkazishga yordam beradi. Sog'liqni saqlash ishchilarini har qanday shubxali nojo'ya reaktsiyalar xaqida milliy tizim hisoboti yordamida xabar qilishlarini so'raymiz.

Sotish shartlari

Retsept bo'yicha.

Maxsus shartlar

Maxsus ogohlantirishlar va ehtiyotkorlik choralari

Midokalm® Long preparatini patsientning individual ehtiyoji va preparatni o'zlashtiraolinishiga qarab buyuriladi.

Agar tolperizonga shaxsiy kunlik ehtiyoj 450 mg dan kam bo'lsa, Midokalm® 50 mg, plenka qobiq bilan qoplanagn tabletkalar, ya'ni qo'llash bilan terapevtik ta'sirga erishilgan patsientlar uchun ajrab chiqishi uzaytirilgan shakli qo'llanilmaydi. Ushbu patsientlarda tolperizonni boshqa dori shakllari yoki dozasini qo'llash kerak.

Midokalm® Long preparatini jigar va/yoki buyrak funktsiyasini o'rtacha darajada buzilishi bo'lgan patsientlarda qo'llash tavsiya qilinmaydi.

O'ta yuqori sezuvchanlik reaktsiyalari

Qayd etilgan keyingi davrda o'ta yuqori sezuvchanlik reaktsiyalar rivojlanganligi haqida juda ko'p xabar berilgan. Allergik ta'sirlar yengil teri reaktsiyalaridan og'ir tizimli reaktsiyalargacha, shu bilan anafilaktik shokkacha kuzatilgan. Allergik reaktsiyalarning simptomlari: qizarish, toshma, eshakemi, qichishish, angionevrotik ishish, taxikardiya, arterial gipotenziya va xansirash.

Ayollarda, keksa patsientlarda yoki bir vaqtning o'zida davolashni (nosteroid yallig'lanishga qarshi preparatlar – NYaQP) olayotganlarda yuqori sezuvchanlik reaktsiyalarini rivojlanish xavfi yuqori bo'ladi.

Shuningdek, ushbu preparatga allergik reaktsiyalarning yuqori xavfi dori allergiyasi va

anamnezida allergik kasalliklari bo'lgan yoki prepartni virusli infektsiyalar fonida qabul qilgan patsientlarga xosdir. Lidokainga ma'lum o'ta yuqori sezuvchanlik bo'lganida kesishgan reaktsiyalar bo'lishi mumkinligi tufayli, tolperizonni qo'llash vaqtida ehtiyotkorlikka rioya qilish lozim. Patsientlarga yuqori sezuvchanlikni xar qanday simptomlariga nisbatan e'tiborli bo'lish kerakligi haqida tavsiyalar berish lozim.

Agar quyidagi simptomlar rivojlangan bo'lsa, tolperizonni qabul qilishni darhol to'xtatish va zudlik bilan shifokorga murojaat qilish lozim: qizib ketish hissi, toshma, kuchli qichishish (toshma elementlari ko'tarilgan), xirillash, yuz, lablar, tilning shishishi bilan nafas olish qiyinlashuvi va/yoki farenks bilan yoki u siz, yutish qiyinligi, yurak urishi, past qon bosimi va qon bosimining tez pasayishi. Tolperizonga o'ta yuqori sezuvchanlik xurujlari kuzatilgandan so'ng tolperizonni tayinlash mumkin emas.

Yordamchi moddalar

Midokalm® Long preparati tarkibida laktoza monogidratini saqlaydi. Galaktozani kam uchraydigan nasliy o'zlashtiraolmaslik, laktoza tanqisligi yoki glyukoza-galaktoza mal'bsorbtsiyasi bo'lgan patsientlarga preparatni buyurish mumkin emas.

Homiladorlik va emizish davrida qo'llash

Homiladorlik va emizish davrida tolperizonni qo'llash mumkin emas. Tuhish funktsiyasi bo'lgan ayollarda ishonchli kontratseptsiya vositalarning yoqligi tolperizonni qo'llashga qarshi ko'rsatma emas.

Hayvonlarda o'tkazilgan eksperemental tadqiqotlarda tolperizonning teratogen ta'siri aniqlanmagan. Ahamiyatga ega bo'lgan klinik ma'lumotlar mavjud bo'lmaganligi sababli tolperizonni homiladorlikda (ayniqsa birinchi uch oyligida) qo'llash mumkin emas, kutilayotgan foyda homila uchun potentsial xavfdan ustun bo'lgan holatlar bundan mustasno.

Tolperizonni ko'krak suti bilan ajralib chiqishi yuzasidan ma'lumotlar mavjud bo'lmaganligi tufayli ushbu preparatni emizish vaqtida qo'llash mumkin emas.

Avtomobilni va murakkab mexanizmlarni boshqarish qobiliyatiga ta'siri

Preparatni qabul qilish vaqtida bosh aylanishi, uyquchanlik, diqqatni buzilishi, patsient, ko'rish faoliyatini buzilishi yoki mushaklarni zaifligi kuzatilgan patsientlar davolash vaqtida transport vositasini boshqarmasliklari kerak.

Qo'llanilishi

- Kattalarda insul't tufayli mushaklarning tonusini oshishini simptomatik davolash.

- Kattalarda tayanch-harakat tizimining kasalliklari (masalan, spondilyoz, spondiloartroz, tservikal va lyumbal sindromlar, yirik bo'g'imlarning artrozi) bilan kechuvchi og'riqli mushaklarning spazmlarini davolashda qo'llaniladi.

Qo'llanilishi mumkin bo'lmagan holatlar

- Preparatning har qanday komponentlariga yoki boshqa o'xshash kimyoviy moddalarga (eperizon) o'ta yuqori sezuvchanlik reaktsiyalari.

- Miasteniya gravis.

- Homiladorlik va emizish davri.

- Bolalar va 18 yoshgacha bo'lgan o'smirlar.

- Galaktoza o'zlashtiraolmaslik, laktaza yetishmovchiligi, glyukozo-galaktoza mal'absorbtsiyasida qo'llash mumkin emas.

Dori vositalarining o'zaro ta'siri

Tolperizonni asosan CYP2D6 ta'sirida metabolizmga uchraydigan dori vositalar (tioridazin, tolterodin, venlafaksin, atomoksetin, dezipramin, dekstrometorfan, metoprolol, nebivalol, perfenazin) CYP2D6 izofermentining substrati dekstrometorfan bilan bir vaqtda qo'llash, ularning qondagi mavjudlik darajasini oshirish mumkinligini ko'rsatgan.

Boshqa izofermentlarni (CYP2B6, CYP2C8, CYP2C9, CYP2C19, CYP1A2, CYP3A4) ahamiyatli ingibitsiyasi yoki induktsiyasini chaqirmagan.

Tolperazon CYP2D6 ning substratlari va/yoki boshqa preparatlar bilan bir vaqtda qo'llanganida tolperizonning metabolik yo'llari turlicha bo'lganligi sababli ta'sirini oshishi taxmin qilinmaydi.

Agar tolperizon och qoringa qabul qilinsa, uning biokiraolishligi pasayadi, shuning uchun preparatni ovqatdan keyin qabul qilish kerak.

Garchi tolperizon markaziy ta'sirga ega preparat hisoblansada, uning sedativ samarasi juda past. Markaziy ta'sirga ega boshqa miorelaksantlar bilan bir vaqtda buyurilganda tolperizonning dozasini pasaytirish lozim.

Tolperizon niflumat kislotasining ta'sirini kuchaytiradi, shuning uchun bir vaqtda qo'llanganida niflumat kislotasi yoki boshqa NYaQDV larning dozasini pasaytirishni ko'rib chiqish lozim.

Maxsus saqlash sharoitlari

25°C dan yuqori bo'lmagan haroratda saqlansin.

Bolalar ololmaydigan joyda saqlansin.

Yaroqlilik muddati

2 yil.

Yaroqlilik muddati tuganidan so'ng ishlatilmasin.

Ta'rifi

Oval ikki tomoni qavariq, oq rangli, yuzasi silliq yoki notekis va o'ziga xos kuchsiz hidli, plyonka qobiq bilan qoplangan tabletkalar. Bir tomonida "M43" gravirovka tushirilgan.

Dozirovkasi

Dozalash usuli
Tavsiya etilgan doza: 1 tabletka sutkada 1 marta (sutkada 450 mg).

Midokalm® Long preparatini patsientning individual ehtiyoji va preparatni o'zlashtiraolinishiga qarab buyuriladi. Preparatni ajrab chiqishi uzaytirilgan shaklini (kuniga bir marta) qabul qilish patsientning davolanishga rioya qilishini yaxshilaydi.

Tolperizon 150 mg ajralib chiqishi tez bo'lgan tabletkalarni olgan patsientlar Midokalm® Long 450 mg ajrab chiqishi uzaytirilgan tabletkalarga o'tishlari mumkin. Tolperizonning ajrab chiqishi uzaytirilgan shakliga o'tish darhol chiqariladigan tabletkalarda tolperizonning oxirgi dozasidan keyingi kun qo'llash mumkin.

Agar tolperizonga shaxsiy kunlik ehtiyoj 450 mg dan kam bo'lsa Midokalm® 50 mg, plyonka qobiq bilan qoplanagn tabletkalar, ya'ni qo'llash bilan terapevtik ta'sirga erishilgan patsientlar uchun ajrab chiqishi uzaytirilgan shakli qo'llanilmaydi.

Maxsus patsientlar guruhi

Buyrak yetishmovchiligi bo'lgan patsientlar

Buyrak funktsiyasini buzilishi bo'lgan patsientlarda preparatni qo'llash bo'yicha ma'lumotlar cheklangan. Ushbu patsientlar guruhida nojo'ya rasmiylashtirishni rivojlanish tezligini yanada oshishi kuzatilgan. Buyrak funktsiyasini o'rtacha darajada buzilishi patsientlar uchun Midokalm® Long preparat kursini qo'llash tavsiya qilinmaydi. Tolperizonning boshqa dozalash shakllari yoki dozalari ushbu guruhning ehtiyojlarini yaxshiroq qondirishi mumkin. Buyrak funktsiyasini og'ir darajada buzilishi bo'lgan patsientlarda tolperizonni qo'llash tavsiya etilmaydi.

Jigar yetishmovchiligi bo'lgan patsientlar

Jigar funktsiyasini buzilishi bo'lgan patsientlarda qo'llash bo'yicha ma'lumotlar cheklangan. Ushbu patsientlar guruhida nojo'ya reaktsiyalarini rivojlanish tezligini oshishi kuzatilgan. Jigar funktsiyasini o'rtacha darajada buzilishi bo'lgan patsientlar uchun Midokalm® Long preparat kursini qo'llash tavsiya qilinmaydi. Tolperizonning boshqa dozalash shakllari yoki dozalari ushbu guruhning ehtiyojlarini yaxshiroq qondirishi mumkin. Jigar funktsiyasini og'ir darajada buzilishi bo'lgan patsientlarda tolperizonni qo'llash tavsiya etilmaydi.

Bolalar

18 yoshgacha bo'lgan bolalar va o'smirlarda Midokalm® Long, ajrab chiqishi uzaytirilgan, plyonka qobiq bilan qoplangan tabletkalarning qo'llash xavfsizligi va samaradorligi aniqlanmagan.

Qo'llash usuli

Ichga qabul qilish uchun mo'ljallangan. Preparatni ovqatdan so'ng, tabletkani chaynamasdan va sindirmasdan bir stakan suv bilan qabul qilish lozim.

Preparatni qo'llashdan oldin yoki u bilan ishlashda ehtiyot choralari

Preparatni och qoringa qabul qilish tolperizonning biokiraolishligini pasaytirishi mumkin.

Dozani oshirib yuborilishi

Dozani oshirib yuborilishini simptomlari: uyquchanlik, me'da-ichak buzilishlari (ko'ngil aynishi, qusish, epigastriyda og'riq), taxikardiya, arterial gipertenziya, bradikineziya va vertigo hisoblanadi. Og'ir holatlarda tirishishlar, nafas olishni siqilishi, apnoe va koma rivojlanishi mumkin.

Davolash: Maxsus antidoti mavjud emas. Simptomatik davolash o'tkazish tavsiya etiladi.

Fikr qoldirish