BISAKODIL RG tabletkalari 5mg N50

BISAKODIL – NIJFARM

dori preparatini tibbiyotda qo‘llash bo‘yicha

YO‘RIQNOMA

Preparatning savdo nomi: Bisakodil-Nijfarm

Xalqaro patentlanmagan nomi: Bisakodil

Dori shakli: rektal suppozitoriylar

Tarkibi:

Bir suppozitoriy saqlaydi: ta‘sir etuvchi modda: bisakodil – 10 mg,

suppozitoriylar uchun asos: qattiq yog‘ (N 15, W 35 markali Vitepsol, NA 15, NAS 50 markali Supposir) vazni 1,25 g gacha bo‘lgan suppozitoriy olinguncha.

Ta‘rifi: Oqdan to biroz sarg‘ish tusli oq rangligacha bo‘lgan, torpedasimon shaklli suppozitoriylar.

Farmakoterapevtik guruhi: surgi vositasi

ATX kodi: A06AV02

Farmakologik xususiyatlari

Ichakning reseptor apparatini ta‘sirlanishini chaqiradi, ichakning shilliq qavatiga bevosita ta‘sir ko‘rsatadi, ichak peristaltikasini kuchaytiradi, yo‘g‘on ichakda shilimshiq sekresiyasini oshiradi.

Ichakda so‘rilmaydi. Me‘da-ichak yo‘llarining shilliq qavatiga ta‘sirlovchi samara ko‘rsatuvchi olddori hisoblanadi, ishqoriy muhitda metabolitni hosil bo‘lishi bilan gidrolizlanadi. Ta‘siri birinchi soat davomida sodir bo‘ladi.

Qo‘llanilishi

Gipotonik va atonik qabziyat (shu jumladan keksalardagi; operasiyalar va tug‘ruqlardan keyingi qabziyat). Ich kelishini boshqarish (gemorroy, proktit, anus yoriqlari). Xirurgik operasiyalarga, asboblar yordamidagi va rentgenologik tekshiruvlarga tayyorlashda qo‘llanadi.

Qo‘llash mumkin bo‘lmagan holatlar

O‘ta yuqori sezuvchanlik, ichakni tutilishi, churrani qisilib qolishi, qorin bo‘shlig‘i a‘zolarining o‘tkir kasalliklari, peritonit, me‘da-ichak yo‘llaridan qon ketishi, metrorragiya, sistit, spastik qabziyatlar, o‘tkir gemorroy, o‘tkir proktit, 8 yoshgacha bo‘lgan bolalarda qo‘llash mumkin emas.

Ehtiyotkorlik bilan

Jigar va/yoki buyraklar yetishmovchiligida.

Homiladorlik va laktasiyada qo‘llanishi

Homiladorlik va laktasiya davrida ehtiyotkorlik bilan qo‘llash mumkin.

Qo‘llash usuli va dozalari

Rektal, quyidagi dozalarda buyuriladi: kattalarga va 14 yoshdan oshgan bolalarga 10-20 mg bisakodil (1-2 shamcha), 8-14 yoshli bolalarga – 10 mg bisakodil (1 shamcha) buyuriladi.

Nojo‘ya ta‘sirlari

Ichak sanchig‘i, diareya (degidratasiya, mushak kuchsizligi, tirishishlar, arterial qon bosimini pasayishi), qorinda og‘riq, meteorizm, allergik reaksiyalar bo‘lishi mumkin.

Dozani oshirib yuborilishi

Simptomlari: diareya, suvsizlanish, suv-elektrolit muvozanatini buzilishi, gipokaliemiya, yo‘g‘on ichak atoniyasi.

Davolash: simptomatik.

Maxsus ko‘rsatmalar

Uzoq vaqt davomida qo‘llash mumkin emas.

Chiqarilish shakli

Rektal suppozitoriylar 10 mg, 5 suppozitoriydan polivinilxlorid plyonka kontur uyali o‘ramda. Ikki kontur o‘ram preparatni tibbiyotda qo‘llash bo‘yicha yo‘riqnomasi bilan birga karton qutiga joylanadi. 

Saqlash sharoiti

25^oS dan yuqori bo‘lmagan haroratda saqlansin.

Bolalar ololmaydigan joyda saqlansin.

Yaroqlilik muddati

2 yil. Preparatni yaroqlilik muddati o‘tgach qo‘llanilmasin.

Dorixonalardan berish tartibi

Reseptsiz.