PROGAST kapsulalar 30mg N14

QO‘LLASH BO‘YICHA YO‘RIQNOMA

PROGAST^™

PROGAST^™

Preparatning savdo nomi: Progast^™

Ta‘sir etuvchi modda (XPN): lansoprazol (lansoprazole)

Dori shakli: mikropellet kapsulalar

Tarkibi:

har bir mikropellet bo‘lgan kapsulada quyidagilar saqlanadi:

faol modda: lansoprazol 30 mg (ichakda eruvchi  qobiqli mikropellet shaklida);

yordamchi moddalar: natriy laurilsulfati, metilgidroksipropilsellyuloza, talk, titan dioksidi, polietilenglikol 6000, polisorbat 80, poliakrilat, saxaroza, makkajo‘xori kraxmali,  meglumin, mannitol.

Ta‘rifi: qattiq, tiniq bo‘lmagan jelatinli, №1 o‘lchamli, och-sariq korpusli va to‘q-sariq qopqoqli, mikropellet kapsulalar, kapsula ichidagisi – oqdan-och-sariq rangacha bo‘lgan hidsiz, pelletlar.

Farmakoterapevtik guruhi: N⁺-K⁺-ATF-aza (proton pompa) ingibitori.

ATX kodi: A02BC03

Farmakologik xususiyatlari

Ta‘sir mexanizmi: Og‘iz orqali qabul qilinganidan keyin lansoprazol proton pompani (me‘daning parietal hujayralarini sekretor yuzasidagi ferment tizimi – N⁺-K⁺-ATF-azani) ingibisiya qilish orqali xlorid kislotasining sekresiyasini bloklaydi. Bu ta‘siri dozaga bog‘liq bo‘lib, rag‘batlantiruvchi omilning tabiatidan qat‘iy nazar, bazal va rag‘batlantirilgan sekresiyani ingibisiya qilinishi ta‘minlaydi. Lansoprazol pentagastrin tomonidan rag‘batlantirilgan xlorid kislotasining sekresiyasini taxminan 36 soat davomida dozaga bog‘liq ravishda bloklaydi.

Antisekretor ta‘siri: Og‘iz orqali qabul qilinganidan keyin lansoprazol me‘da shirasining rN ko‘rsatkichining o‘rtacha sutkalik qiymatini ahamiyatli darajada oshiradi, bundan tashqari, xlorid kislotasining bazal va pentagastrin tomonidan rag‘batlantirilgan sekresiyasini ahamiyatli darajada va tezda kamaytiradi, shuningdek ovqat qabul qilish oqibatida rag‘batlantirilgan sekret hajmini va xlorid kislotasining sekresiyasi tezligini ancha pasaytiradi. Lansoprazol sekret hajmiga, kislotali muhitga va kislotani ajralib chiqishiga ta‘sir ko‘rsatadi.

Enteroxromafinsimon hujayralarga ta‘siri: Klinik tadqiqotlar, lansoprazolni kamida 1 yil davomida qo‘llaganida, me‘daning xavfli o‘smasini hosil bo‘lish xavf omili hisoblangan enteroxromafinsimon hujayralarning giperplaziyasi aniqlanmaganligini ko‘rsatdi.

Me‘da va qizilo‘ngachga ta‘siri: Lansoprazol me‘daning motor-evakuator funksiyasini ahamiyatli darajada tormozlaydi, ayni paytda qizilo‘ngachning pastki sfinkterining motorikasi va tonusiga ta‘sir qilmaydi; plazmada pepsinogenning miqdorini oshiradi va pepsinni ishlab chiqarilishini susaytiradi.

Plazmada gastrinning darajasiga ta‘siri: Lansoprazol plazmada gastrinning darajasiga uncha ta‘sir ko‘rsatmaydi.

Endokrin tizimiga ta‘siri: Lansoprazol endokrin tizimiga klinik ahamiyatli ta‘sir ko‘rsatmaydi. Kuniga 15-60 mg dozada 2-8 hafta davomida peroral qo‘llanganda lansoprazol qalqonsimon bezining funksiyasiga ahamiyatli ta‘sir ko‘rsatmaydi.

Boshqa tizimlarga ta‘siri: Lansoprazolni markaziy nerv tizimiga, limfatik, qon yaratish, yurak-tomir, nafas tizimlariga, shuningdek buyrak va jigarga qandaydir tizimli ta‘siri kuzatilmagan.

Farmakokinetikasi

So‘rilishi: Ichga qabul qilinganidan keyin kapsulada enteral (kislotaga chidamli) qobiqli granulalar-mikropelletlar ko‘rinishida saqlanuvchi lansoprazol ichakdan tez so‘riladi. Peroral qabul qilinganidan keyin biokiraolishligi 80% dan ortiqni tashkil qiladi. Preparatning maksimal konsentrasiyasi qonda 1,7 soatdan keyin aniqlanadi. Och qoringa qabul qilinganidan farqli ravishda, ovqat bilan bir vaqtda qabul qilinganida lansoprazolning biokiraolishligi 50% ga pasayadi.

Taqsimlanishi: Lansoprazol plazma oqsillari bilan 97% ga bog‘lanadi. Plazma oqsillari bilan bog‘lanish darajasi lansoprazolning 0,05-5,0 mkg/ml ni konsentrasiyasida o‘zgarmagan.

Metabolizmi: Lansoprazol jigarda uncha katta bo‘lmagan antisekretor faollikka ega metabolitlari va nofaol metabolitlarini hosil bo‘lishi bilan metabolizmga uchraydi. Lansoprazol qonda aniqlanmaydigan 2 faol metaboliti yordamida me‘daning parietal hujayralarini proton nasosiga ta‘sir qiladi. Preparatni uzoq vaqt qo‘llanishi lansoprazolning kumulyasiyasini chaqirmaydi va uning farmakokinetikasini o‘zgartirmaydi.

Chiqarilishi: Yarim chiqarilish davri 2 soatdan kamroqni tashkil qiladi, biroq bu kislotaning sekresiyasi davomiyligiga ta‘sir qilmaydi, chunki sekresiyani ingibisiya qilinishi 24 soatdan ortiq davom etadi. Keksa yoshli pasientlarda yarim chiqarilish davri 2-3 soatni tashkil qiladi. Tadqiqotlarda, bir martalik doza peroral qabul qilingandan keyin, uchdan bir qismi buyrak orqali, uchdan ikki qismi esa – ichak orqali chiqarilishi ko‘rsatilgan.

Maxsus guruh bemorlar bilan bog‘liq bo‘lgan qo‘shimcha ma‘lumotlar

Jigar funksiyasining yaqqol buzilishlarida yarim chiqarilish davrini oshishi tufayli, preparatning dozasini kamaytirish kerak.

Pediatrik pasientlar

1-17 yoshli bolalar va o‘smirlarda lansoprazolning farmakokinetikasi kattalarnikiga o‘xshash.

Geriatrik pasientlar

Keksa pasientlarda lansoprozolning klirensi biroz pasayadi, biroq bu dozaga tuzatish kiritishni talab etmaydi.

Qo‘llanilishi

• Me‘da va o‘n ikki barmoq ichakning yara kasalligini davolash
• Reflyuks-ezofagitni davolash va oldini olish
• N. pylori bilan bog‘liq me‘da va o‘n ikki barmoq ichakning yarali shikastlanishlarini antibiotiklar bilan davolash bilan birga Nelicobacter pylori (H.pylori) eradikasiyasi.
• NYAQV bilan davolanishni davom ettirayotgan pasientlarda, me‘da va o‘n ikki barmoq ichakning NYAQV bilan bog‘liq yarali shikastlanishlarini  davolash va oldini olish.
• Gastroezofageal reflyuks kasalligini (GERK) simptomatik davolash.

qisqa muddatli (4 hafta davomida) va tutib turuvchi davolash.

• Patologik gipersekretor holatlarni, shu jumladan Zollinger-Ellison sindromini davolashda qo‘llaniladi

Qo‘llash usuli va dozalari

Progast^™ mikropellet kapsulani ichga, ertalab ovqatdan oldin qabul qilish tavsiya qilinadi (N.pylori eradikasiyasi bundan mustasno, bunda preparatni sutkada 2 marta: 1 marta ertalab va 1 marta kechqurun qo‘llaniladi). Preparat ovqatdan 30 minut oldin qo‘llaniladi. Kapsulani butunligicha, ochmasdan, chaynamasdan, yetarli miqdordagi suyuqlik bilan ichish lozim.

O‘n ikki barmoq ichakning yara kasalligi:

Tavsiya etilgan doza sutkada 30 mg ni tashkil qiladi, 2 hafta davomida .

To‘liq samaraga erishilmagan pasientlarda davolashni xuddi shu dozada keyingi 2 xafta davomida davom ettirish mumkin.

Me‘daning yara kasalligi:

Tavsiya etilgan doza sutkada 30 mg ni tashkil qiladi, 4 hafta davomida qabul qilinadi.

To‘liq samaraga erishilmagan pasientlarda davolashni xuddi shu dozada keyingi 4 xafta davomida davom ettirish mumkin.

Reflyuks-ezofagitni oldini olish:

Tavsiya etilgan doza sutkada 15 mg ni tashkil qiladi. Zarurati tug‘ilganida, dozani sutkada 30 mggacha oshirish mumkin.

N.pylori eradikasiyasi:

Lansoprzolning tavsiya etilgan dozasi sutkada 30 mg dan 2 marta 7 kun davomida qo‘llashni tashkil etadi va quyidagi majmualardan birini buyuriladi.

klaritromisin 250-500 mg sutkada 2 marta +amoksisillin 1 g sutkada 2 marta

klaritromisin 250 mg sutkada 2 marta + metronidazol 400-500 mg dan sutkada 2 marta.

NYAQV bilan davolanishni davom ettirayotgan pasientlarda, me‘da va o‘nikki barmoqli ichakning NYAQV bilan bog‘liq yarali shikastlanishlarini davolash:

Tavsiya etilgan doza sutkada 30 mg ni tashkil qiladi, 4 hafta davomida qo‘llanadi.

To‘liq samaraga erishilmagan pasientlarda davolashni xuddi shu dozada keyingi 4 xafta davomida davom ettirish mumkin. Davolanishi qiyin yaralari bo‘lgan yoki shunga o‘xshash xavflar mavjud bo‘lgan pasientlarda, davolash kursini oshirish va/yoki dozani oshirish lozim.

NYAQV bilan davolanishni davom ettirayotgan  pasientlarda, me‘da va o‘n ikki barmoq ichakning NYAQV bilan bog‘liq yarali shikastlanishlarini  oldini olish:

Tavsiya etilgan doza sutkada 15 mg ni tashkil qiladi. Zarurati bo‘lganida, dozani sutkada 30 mg gacha oshirish mumkin.

Gastroezofageal reflyuks kasalligini (GERK) simptomatik davolash:

Tavsiya etilgan doza sutkada 15 mg yoki 30 mg ni tashkil qiladi. Dozaga individual ravishda tuzatish kiritish lozim. Agar preparatni sutkada 30 mg dozada 4 xafta davomida qabul qilinganda pasientning ahvolini yaxshilanishi kuzatilmasa, davolash sxemasini qayta ko‘rib chiqish tavsiya etiladi.

Patologik gipersekretor holatlarni, shu jumladan Zollinger-Ellison sindromini davolash:

Tavsiya etilgan doza sutkada 60 mg ni tashkil qiladi. Dozaga individual ravishda to‘g‘rilash kiritish lozim, zarurati bo‘lganida davolashni davom ettirish lozim. Lansoprozolni 180 mg gacha sutkalik dozada qo‘llash mumkin. Agar doza sutkada 120 mg dan oshsa, uni 2 marta qabul qilishga bo‘lish lozim.

Kapsulani yutishda qiyinchilik his etayotgan pasientlarda kapsulani quyidagi usul bilan qabul qilish mumkin:

• Kapsulani oching. Kapsula ichidagisini (granulalarni) kam miqdordagi suv, olma/tomat sharbati yoki yengil ovqat (yogurt, olmali bo‘tqa) bilan aralashtiring.
• Kapsulani oching. Kapsula ichidagisini (granulalar) 40 ml olma sharbati bilan aralashtirish va me‘daga nazogastral zond orqali yuborish kerak.
• Suspenziya yoki aralashmani tayyorlangandan so‘ng darhol qo‘llash lozim. Mikropellet kapsulaning ichidagisini yuqorida ko‘rsatilganlardan tashqari boshqa sharbatlar bilan aralashtirish mumkin emas.

Maxsus guruh bemorlar bilan bog‘liq bo‘lgan qo‘shimcha ma‘lumotlar

Yengil va o‘rtacha og‘irlik darajasidagi jigar yetishmovchiligi bo‘lgan pasientlarni doimiy kuzatuvini amalga oshirish va sutkalik dozani ikki marta kamaytirish lozim.

Pediatrik pasientlar

Klinik ma‘lumotlarning cheklanganligi sababli, bolalarda preparatni qo‘llash tavsiya etilmaydi.

Geriatrik pasientlar

Klinik zarurati bo‘lmasa, 30 mg sutkalik dozani oshirish mumkin emas.

Nojo‘ya ta‘sirlari

Nojo‘ya ta‘sirlarning yuz berish tezligi: juda tez-tez (≥1/10); tez-tez ( ≥1/100 dan <1/10 gacha); tez-tez emas ( ≥1/1000 dan <1/100 gacha); kam hollarda ( ≥1/10000 dan <1/1000 gacha); juda ka hollarda (<1/10000); tez-tezligi noma‘lum (mavjud ma‘lumotlar asosida baholashning iloji yo‘q).

Qon yaratish va  limfa tizimi tomonidan

Tze-tez emas: trombositopeniya, eozinofiliya, leykopeniya;

Kam hollarda: anemiya;

Juda kam hollarda: agranulositoz, pansitopeniya.

Moddalar almashinuvi va ovqatlanish tomonidan

Tez-tezligi noma‘lum: gipomagnezemiya.

Ruhiyat tomonidan

Tez-tez emas: depressiya;

Kam hollarda: uyqusizlik, gallyusinasiyalar, ongni chalkashishi.

Nerv tizimi tomonidan

Tez-tez emas: bosh og‘rig‘i, bosh aylanishi;

Kam hollarda: havotirlik, paresteziyalar, uyquchanlik, tremor.

Ko‘rish a‘zolari tomonidan

Kam hollarda: ko‘rishni buzilishi.

Ovqat hazm qilish tizimi tomonidan

Tez-tez emas: ko‘ngil aynishi, diareya, me‘da sohasida og‘riq, qabziyat, qusish, meteorizm, og‘izni yoki tomoqni qurishi;

Kam hollarda: glossit, qizilo‘ngach kandidozi, pankreatit, ta‘m sezishni buzilishi;

Juda kam hollarda: kolit, stomatit.

Gepatobiliar tizimi tomonidan

Tez-tez emas: jigar fermentlari faolligi ko‘rsatkichlarini oshishi;

Kam hollarda: gepatit, sariqlik.

Teri va teri osti kletchatkasi tomonidan

Tez-tez emas: eshakemi, qichishish, toshma;

Kam hollarda: petexiya, purpura, ko‘p shaklli eritema, yorug‘likka sezuvchanlik;

Juda kam hollarda: Stivensa-Djonson sindromi, toksik epidermal nekroliz.

Suyak-mushak tizimi va biriktiruvchi to‘qima tomonidan

Tez-tez emas: artralgiya, mialgiya;

Buyrak va siydik chiqarish yo‘llari tomonidan

Kam hollarda: interstisial nefrit.

Reproduktiv tizimi va sut bezlari tomonidan

Kam hollarda: ginekomastiya.

Umumiy buzilishlar va mahalliy reaksiyalar

Tez-tez: holsizlik;

Tez-tez emas: shish;

Kam hollarda: gipertermiya, gipergidroz, anoreksiya, bepushtlik, angioedema;

Juda kam hollarda: anafilaktik shok.

Tekshiruvlar

Juda kam hollarda: xolesterol va trigliseridlar darajasini oshishi, giponatriemiya kuzatilishi mumkin.

Shubhali nojo‘ya reaksiyalar to‘g‘risida xabarlar

Dori preparati qayd etilgandan so‘ng, shubhali nojo‘ya reaksiyalar haqida xabarlar muhim ahamiyatga ega. Bu dori vositasini qabul qilishning foyda/xavf nisbatini uzoq muddat nazoratini amalga oshirishga yordam beradi.

Noxush samaralar paydo bo‘lganida shifokor bilan muloqot qiling.

Qo‘llash mumkin bo‘lmagan holatlar

Lansoprazolga va preparatning har qanday boshqa komponentiga yuqori sezuvchanlik.

Lansoprozolni atazanavir bilan birga qo‘llash mumkin emas.

Dorilarning o‘zaro ta‘siri

Lansoprozolning boshqa dori vositalariga ta‘siri

Lansoprozol so‘rilishi rN-ga bo‘lgan dori vositalari biokiraolishi rN ga bog‘liq bo‘lgan preparatlarni so‘rilishiga to‘sqinlik qilish mumkin.

Atazanavir:

Atanazavirni lansoprozol bilan bir vaqtda qo‘llash mumkin emas.

Ketokonazol va itrakonazol:

Ketokonazol va itrakonazolni me‘da-ichak yo‘llaridan so‘rilishi me‘da shirasi ishtirokida kuchayadi. Lansoprozolni qabul qilish ketokonazol va itrakonazolning subterapevtik konsentrasiyasiga sabab bo‘lishi mumkin; bunda majmuani qo‘llashdan saqlanish lozim.

Digoksin:

Lansoprozol bilan bir vaqtda qo‘llash plazmada digoksinning konsentrasiyasini oshishini chaqirishi mumkin. Shuning uchun plazmada digoksinning miqdorini nazorat qilish lozim va zarurat tug‘ilganida lansoprozolni qabul qilishni boshlashda va qabul qilish tugagach, uning dozasiga tuzatish kiritish lozim.

Sitoxrom R₄₅₀ ferment tizimi tomonidan metabolizmga uchraydigan dori vositalari: Lansoprozol SYP3A4 izofermenti tomonidan metabolizmga uchraydigan preparatlarning plazmadagi konsentrasiyasini oshishini chaqirishi mumkin. Lansoprozolni bunday preparatlar bilan majmuada extiyotkorlik bilan qo‘llash lozim.

Teofillin:

Lansoprozolni teofillin qabul qilayotgan pasientlarda ehtiyotkorlik bilan qo‘llash lozim, chunki bu preparatlarning majmuasi teofilinning plazmadagi konsentrasiyasini kamayishini chaqirishi mumkin.

Takrolimus:

Lansoprozol bilan bir vaqtda qabul qilish plazmada takrolimusning konsentrasiyasini oshishini chaqiradi. Shuning uchun takrolimusning plazmadagi miqdorini nazorat qilish lozim va zarurati bo‘lganida lansoprozolni qabul qilishni boshida va qabul qilish tugagach, uning dozasiga tuzatish kiritish kerak.

R-glikoprotein tomonidan transport qilinadigan dori vositalari: lansoprozol in vitro sharoitlarida proteinni R-glikoproteinni tashilishi ingibisiya qiladi.

Boshqa dori vositalarining lansoprozolga ta‘siri:

CYP2C19  ingibitorlari:

Fluvoksamin:

SYP2C19 ingibitori Fluvaksamin bilan bir vaqtda qo‘llanganda dozani kamaytirishning zarurati kelib chiqishi mumkin.

SYP2C19 va SYP3A4 induktorlari:

Rifampisin va dalachoy o‘ti kabi SYP2C19 va SYP3A4 ning induktorlari bilan bir vaqtda qo‘llaganda plazmada lansoprozolning konsentrasiyasi kamayadi.

Boshqalar:

Sukralfat/antasidlar:

Sukralfat/antasidlar lansoprozolning biokiraolishini kamaytirishi mumkin, shuning uchun uni kam miqdorda, ushbu preparatlarni qabul qilgandan keyin 1 soatdan so‘ng qo‘llash lozim.

Maxsus ko‘rsatmalar

Lansoprozolni qabul qilish me‘dada xavfli o‘smalarning simptomlarini niqoblashi mumkin, shuning uchun davolashni boshlashdan oldin bunday jarayonning mavjudligini istisno etish lozim. Jigar funksiyasini yengil va og‘ir darajadagi buzilishlari bo‘lgan pasientlarda lansoprozolni ehtiyotkorlik bilan qo‘llash lozi. Lansoprozolni qabul qilish  Salmonella va Campylobacter kabi me‘da-ichak yo‘llarining infeksiyalarini rivojlanish xavfini biroz oshirishi mumkin. H.pylory tomonidan chaqirilgan infeksiyalarning mavjudligini hisobga olish lozim, gastroduodenal yaralari bo‘lgan pasientlarda u ekologik omil bo‘lishi mumkin. H.pylory eradikasiyasi uchun lansoprozolni antibiotiklar bilan majmuada qo‘llanganda, shuningdek ushbu antibiotiklarni qo‘llash bo‘yicha yo‘riqnomasini ham hisobga olish lozim. 1 yildan ortiq samarani bir maromda tutib turuvchi davolashni qabul qilayotgan pasientar haqida ma‘lumotlar cheklanganligi sababli, ularda o‘tkazilayotgan davolashning foyda/xavf nisbatini muntazam baholab turish kerak. Lansoprozolni qabul qilayotgan pasientlarda, kam hollarda kolitni rivojlanishi holatlari haqida xabar berilgan. Shuning uchun og‘ir va/yoki davomli diareya holatlarida Progast^tm preparatini qabul qilishni to‘xtatish haqidagi masalani qayta ko‘rib chiqish lozim. NYAQV uzoq muddat qabul qilishga muhtoj bo‘lgan pasientlarda petik yaralarni oldini olish maqsadidagi davolashni asoratlarini kelib chiqishining yuqori xavfida (masalan me‘da-ichak yo‘llaridan qon ketishlarni mavjudligi, anamnezida perforasiya yoki yaralanish bo‘lsa, keksalik yoshi, MIY tomonidan nojo‘ya reaksiyalarning rivojlanish xavfini oshirish xususiyatiga ega dori vositalarini {masalan, kortikosteroidlar yoki antikoagulyantlar} paralell qabul qilish, jiddiy yondosh kasalliklarni mavjudligi yoki NYAQV ni maksimal tavsiya etilgan dozalarda uzoq muddat qo‘llash) cheklash lozim.

Suyaklarni sinishi:

PPI yuqori dozalarini qabul qilayotgan bilan uzoq muddat davolashni va (1 yil va undan ortiq vaqt  davomida) sinishlarning xavfi oshadi.

Shu tarzda PPI-davolashni minimal dozalarda va ko‘rsatmalarga muvofiq qisqa muddatlarda o‘tkazish lozim.

Gipomagnezemiya:

PPI davolashni eng kamida 3 oy, ko‘pgina xollarda pasientlarda gipomagnezemiyaning rivojlanishining kam hollari haqida xabar berilgan.

Shu boisdan PPI bilan uzoq muddat davolangan xollarda, digoksin bilan yoki gipomagnezemiyani chaqirish xususiyatiga ega preparatlar (masalan, diuretiklar) bilan bir vaqtda qo‘llangan hollarda, PPI ni qabul qilishni boshida va davolanish vaqtida vaqti-vaqti bilan magniy darajasini nazoratini o‘tkazish lozim.

Neyroendokrin o‘smalarni diagnostika qilish uchun markerlar bilan o‘zaro ta‘siri:

Zardobdagi xralogranin A ning (CgA) miqdorini oshishi neyroendokrin o‘smalarni diagnostika qilishda soxtamusbat natijaga sabab bo‘lishi mumkin. Shu sababli, tahlilni o‘tkazishdan avval PPI bilan – davolashni vaqtinchalik to‘xtatish lozim, chunki preparatlarni qabul qilish oqibatida me‘da shirasi kislotasini kamayishi kuzatilishi mumkin.

Fruktozani o‘zlashtiraolmaslikning kam uchraydigan nasliy shakli, glyukoza-galaktozani kam so‘rilishi yoki saxaraza-izomaltoz yetishmovchiligi bo‘lgan pasientlarda Progast^™  buyurilmaydi.

Progast^™  preparatining xar bir kapsulasi kamida 1 mmol natriy (23 mg) saqlaydi; bunday miqdorda natriy bilan bog‘liq bo‘lgan xech qanday samaralar kutilmaydi.

Homiladorlik vaqtida va laktasiya davrida qo‘llanishi

Progast^™ preparatini homiladorlik vaqtida qo‘llash tavsiya etilmaydi.

Homilador ayollarda lansoprozolni ko‘krak sutiga ajralishiga tegishli ma‘lumotlar yo‘q.

Ko‘pchilik preparatlar ko‘krak sutiga ajralib chiqishi sababli, preparatni laktasiya davrida qo‘llash zarurati tug‘ilganida, emizishni to‘xtatish xaqidagi masalani xal etish lozim.

Transport vositalarini va potensial xavfli mexanizmlarni boshqarish qobiliyatiga ta‘siri  

Bosh aylanishi, ko‘rishni buzilishi va uyquchanlik kabi nojo‘ya reaksiyalarini paydo bo‘lishini hisobga olish lozim.

Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Dozani oshirib yuborilishi

Lansoprozolning dozasini oshirib yuborilishi samaralari ma‘lum emas. Dozani oshirib yuborilishi hollarida pasient nazorat ostida bo‘lishi kerak. Lansoprozol oz miqdorda dializ yordamida chiqariladi. Zarurati bo‘lsa me‘dani yuvish, faollashtirilgan ko‘mirni qabul qilish va simptomatik davolashni tavsiya etiladi.

Chiqarilish shakli

Progast^™, mikropellet kapsulalar 30 mg dan, plastik flakonlarda. 1 flakon (28 mikropellet kapsulalar) qo‘llash bo‘yicha yo‘riqnomasi bilan komplektda karton qutida joylangan.

Progast^™, mikropellet kapsulalar 30 mg dan, plastik flakonlarda. 1 flakon (14 mikropellet kapsulalar) qo‘llash bo‘yicha yo‘riqnomasi bilan komplektda karton qutida joylangan.

Saqlash sharoiti

30°S dan yuqori bo‘lmagan haroratda, zich yopilgan qopqoqli original o‘ramida saqlansin. Flakon ochilganidan keyin iste‘mol qilishning maksimal muddati – 1 oy.

Flakonni har gal ochgandan keyin qopqog‘ini zich yopish kerak.

Yaroqlilik muddati

3 yil.

Dorixonalardan berish tartibi

Resept bo‘yicha.