AMBROLONG kapsulalar 75mg N100

AMBROLONG

AMBROLONG

Preparatning savdo nomi: Ambrolong

Ta‘sir etuvchi modda (XPN): Ambroksol gidroxloridi

Dori shakli: Ta‘siri uzaytirilgan kapsulalar.

Tarkibi:

Bir kapsula quyidagilarni saqlaydi:

75 mg ambroksol gidroxloridi saqlovchi – ambroksol mikrogranulalari (pelletlar) – 268 mg.

Ta‘rifi: Oq rangli jelatin kapsulalar. Kapsula ichidagisi – oq yoki oq och-sariq tusdagi, qobiq bilan qoplangan sharsimon shakldagi mikrogranulalar.

Farmakoterapevtik guruhi:. Balg‘am ko‘chiruvchi vositalar.

ATX kodi: R05CB06

Farmakologik xususiyatlari

Yaqqol balg‘am ko‘chiruvchi ta‘sirga ega bo‘lgan mukolitik preparat. Bronxlarning shilliq qavatidagi bezlarning seroz hujaylarini rag‘batlantirib, shilliq sekretni miqdorini oshiradi va shu yo‘l bilan balg‘amning seroz va shilliq komponentlarining buzilgan nisbatini me‘yorlashtiradi.

Gidrolizlovchi fermentlarni faollashtirib, balg‘amning qovushqoqligini kamaytiradi. Hilpillovchi epiteliyning kiprikchalarini harakat faolligini kuchaytirib, balg‘amning mukosiliar transportini oshiradi.

Alveolalar va bronxlarda sirt-faolligiga ega moddani (surfaktantni) ajralib chiqishini rag‘batlantiradi. Surfaktant hosil bo‘lishini oshishi hisobiga preparat yallig‘lanishga qarshi ta‘sir ko‘rsatadi, antioksidant xususiyatlarga ega va mahalliy immunitetni oshiradi.

Preparatni peroral qo‘llanganida ambroksol kapsulaning massasidan asta-sekin ajralib chiqadi va ichakda to‘liq so‘riladi. O‘pka to‘qimalariga yaxshi o‘tadi. Preparatning ta‘siri uni qabul qilinganidan keyin 30 minut o‘tgach boshlanadi.

So‘rilishi – yuqori, maksimal konsentrasiyasiga erishish vaqti – ichga qabul qilinganidan keyin 1–2,5 soat o‘tgach.

Ambroksol gidroxloridining qondan to‘qimalarga taqsimlanishi tez va jadal kechadi, bunda faol moddaning eng yuqori konsentrasiyasi o‘pkada aniqlanadi. Peroral qabul qilinganidan keyin taqsimlanish hajmi 552 l ni tashkil qiladi. Qon zardobidagi oqsillar bilan bog‘lanishi – 90%, gematoensefalik va yo‘ldosh to‘siqlari orqali o‘tadi, ko‘krak suti bilan chiqariladi.

Preparat jigarda konyugasiya yo‘li bilan farmakologik faol bo‘lmagan metabolitlar xosil bo‘lishi bilan metabolizmga uchraydi.

Yarim chiqarilish davri (T_1/2) 9-12 soatni tashkil qiladi. Preparatning taxminan 90% buyraklar orqali chiqariladi.

Alohida guruh pasientlaridagi farmakokinetikasi.

Jigar faoliyatini buzilishi bo‘lgan pasientlarda ambroksol gidroxloridini chiqarilishi pasayadi, bu uning qon zardobidagi darajasini 1,3–2 marta oshishiga olib keladi, biroz dozaga tuzatish kiritishni talab qilinmaydi.

Tadqiqotlar ambroksolning farmakokinetikasi yoshga va jinsga bog‘liq emasligini ko‘rsatadi, va dozalashni o‘zgartirish talab qilinmaydi.

Ovqat qabul qilish ambroksol gidroxloridining biokiraolishligiga ta‘sir qilmaydi.

Nafas yo‘llarining qovushqoq balg‘amni ajralib chiqishi bilan kechuvchi o‘tkir va surunkali kasalliklari (o‘tkir va surunkali bronxit, obstruktiv bronxit, pnevmoniya, balg‘amni ajralib chiqishini buzilishi bilan kechuvchi bronxial astma, bronxoektatik kasallik), shuningdek burun-tomoq bo‘shlig‘i yallig‘lanishlarida shilliqni suyulishini yaxshilash uchun mukolitik davolash.

O‘pkalardagi operasiyadan keyingi asoratlarni oldini olish va davolash, bronxoskopiyadan oldin va keyin, o‘pka mukovissidozida qo‘llanadi.

Qo‘llash usuli va dozalari

Kattalar va 12 yoshdan oshgan bolalar.

Kuniga bir kapsuladan ertalab yoki kechqurun, chaynamasdan va yetarli miqdordagi suyuqlik (suv, choy yoki sharbat) bilan ichiladi. Qo‘llash davomiyligi ko‘rsatkichlarga va kasallikni kechishiga bog‘liq va u shaxsiy ravishda belgilanadi, lekin shifokorning ko‘rsatmasisiz 4-5 kundan oshmasligi kerak. Yo‘tal simptomlari kuchayishi hollarida bemor shifokorga murojaat qilishi lozim. Davolash vaqtida ko‘p miqdordagi suyuqlik (choy, suv) iste‘mol qilish zarur, bu preparatning mukolitik samarasini kuchaytiradi.

Nojo‘ya ta‘sirlari

Ambroksol yaxshi o‘zlashtiriladi. Quyidagi nojo‘ya reaksiyalar bo‘lishi mumkin:

Ovqat hazm qilish yo‘llari tomonidan: og‘izni qurishi, jig‘ildon qaynashi, gastralgiya, ko‘ngil aynishi, qusish, qabziyat.

Allergik reaksiyalar: teri toshmasi, qichishish, eshakemi, ayrim xollar xolatlar – kontaktli dermatit, Kvinke shishi, anafilaktik shok, Stivens-Djonson sindromi va Layell sindromi.

Boshqalar: holsizlik, bosh og‘rig‘i, dizuriya, rinoreya.

Qo‘llash mumkin bo‘lmagan holatlar

– ambroksolga va preparatning boshqa komponentlariga yuqori sezuvchanlik;

– homiladorlik (I uch oyligi) va laktasiya davri;

– me‘da va o‘n ikki barmoq ichak yara kasalligi;

– preparatni yo‘talga qarshi dori vosistalari bilan bir vaqtda qabul qilish;

– laktozani nasliy o‘zlashtiraolmaslik;

– 12 yoshgacha bo‘lgan bolalarda qo‘llash mumkin emas.

Dorilarning o‘zaro ta‘siri

Preparat va antibakterial vositalarni (amoksisillin, sefuroksim, doksisiklin, eritromisin) bir vaqtda qabul qilish antibiotiklarni o‘pka to‘qimasiga yaxshi kirishiga yordam beradi. Tug‘ruq faoliyatini susaytiruvchi preparatlar bilan mutanosib.

Preparatni yo‘talga qarshi vositalar bilan majmuaviy qo‘llanganda, yo‘tal refleksini susayishi tufayli, suyultirilgan sekret xavfli dimlanishi mumkin. Shuning uchun yo‘talga qarshi vositalarini qabul qilish faqat davolovchi shifokorning ko‘rsatmasiga ko‘ra o‘tkazilishi kerak. Ambroksolni yurak glikozidlari diuretiklar bilan birga qo‘llash mumkin.

Nokardioselektiv β-adrenoblokatorlar bilan bir vaqtda qo‘llanishi, bronxospazm oqibatida balg‘amni ko‘chishi yomonlashi mumkin.

Maxsus ko‘rsatmalar

Buyraklar yoki jigar faoliyati og‘ir buzilishlarida preparat qabuli o‘rtasidagi intervalni uzaytirish lozim.

Homiladorlikning I uch oyligida va emizish vaqtida preparatni qo‘llash mumkin emas. Homiladorlikning  II yoki III uch oyligida ambroksol bilan davolash faqat davolovchi shifokor tavsiyasiga binoan mumkin. Preparat avtotransportni boshqarish yoki boshqa mexanizmlarga xizmat ko‘rsatish qobiliyatiga ta‘sir ko‘rsatmaydi.

Allergik reaksiyalarning birinchi belgilari rivojlanganda preparatni qabul qilishni bekor qilish lozim.

Navbatdagi dozani qabul qilish o‘tkazib yuborilgan hollarda keyingi qabul qilishda preparatning dozasini oshirib yubormaslik lozim. 

Preparat bolalar ololmaydigan joyda saqlansin va uni yaroqlilik muddati o‘tganidan keyin ishlatilmasin.

Dozani oshirib yuborilishi

Hozirgi vaqtgacha preparatning dozasi oshirib yuborilganda zaharlanish hollari kuzatilmagan. Ammo ba‘zida: qisqa muddatli bezovtalik va ich ketishi, doza kuchli oshirib yuborilganida arterial bosimni pasayishi, qusish, so‘lak ajralishini kuchayishi bo‘lishi mumkin.

Davolash: bunday hollarda, ayniqsa dozani kuchli oshirib yuborilganida shifokorga murojaat qilish va uning tavsiyasiga ko‘ra me‘dani yuvish, yog‘ saqlovchi mahsulotlarni qabul qilish, gemodinamik ko‘rsatkichlarni nazorat qilish, zarurati bo‘lganda simptomatik davolashni o‘tkaziladi.

Chiqarilish shakli

10 kapsuladan kontur-uyali o‘ramda.

1, 3 yoki 10 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

100, 200, 500 yoki 1000 kontur uyali o‘ram qo‘llash bo‘yicha yo‘riqnomasi bilan birga qutiga joylangan.

Saqlash sharoiti

Quruq, yorug‘likdan himoyalangan joyda, 25⁰S dan yuqori bo‘lmagan haroratda saqlansin.

2 yil.

Dorixonalarda berish tartibi

Reseptsiz.